Video
Read full review
2022-12-06
184 views
【佐敦】Studio Caffeine 最近鐘意蒲cafe，只要一放假就想嘆杯靚咖啡。呢間簡約工業風嘅cafe位於佐敦廟街，樓低好高，雖然舖位細但都不覺壓逼感。餐廳外面有兩排櫈做室外用餐，坐喺外面簡簡單單飲杯咖啡都幾有feel～咖啡方面輕輕失色，嗌咗一杯flat white正常發揮啦，不過iced latte就有啲偏淡，不過食物方面就非常有驚喜！✨超級全日早餐 $128 （高度推介！😍）呢個All day非常豐富，有沙律菜加新鮮生果，芝士大啡菇同煎得非常香脆嘅煙肉，炒蛋綿滑配埋鬆軟嘅牛油麵包食一流，仲有煙三文魚、紐倫堡腸、茄汁焗豆。一次過滿足晒咁多願望，而且樣樣都好高質，三文魚花又捲得幾靚，我敢講係暫時食過CP最高嘅All day 🤤🤤✨特色凱撒卡邦尼配意式煙肉 $118扁意粉先私心加分～卡邦尼加咗白汁，帶少少酸味，可能真係加咗caesar醬😳？用咗厚切意式煙肉，味道比起普通煙肉更濃郁，整體嚟講不過不失。✨Studio Caffeine 📍佐敦廟街284號地下
最近鐘意蒲cafe，只要一放假就想嘆杯靚咖啡。呢間簡約工業風嘅cafe位於佐敦廟街，樓低好高，雖然舖位細但都不覺壓逼感。餐廳外面有兩排櫈做室外用餐，坐喺外面簡簡單單飲杯咖啡都幾有feel～
咖啡方面輕輕失色，嗌咗一杯flat white正常發揮啦，不過iced latte就有啲偏淡，不過食物方面就非常有驚喜！
✨超級全日早餐 $128 （高度推介！😍）
呢個All day非常豐富，有沙律菜加新鮮生果，芝士大啡菇同煎得非常香脆嘅煙肉，炒蛋綿滑配埋鬆軟嘅牛油麵包食一流，仲有煙三文魚、紐倫堡腸、茄汁焗豆。一次過滿足晒咁多願望，而且樣樣都好高質，三文魚花又捲得幾靚，我敢講係暫時食過CP最高嘅All day 🤤🤤
✨特色凱撒卡邦尼配意式煙肉 $118
扁意粉先私心加分～卡邦尼加咗白汁，帶少少酸味，可能真係加咗caesar醬😳？用咗厚切意式煙肉，味道比起普通煙肉更濃郁，整體嚟講不過不失。
✨Studio Caffeine
📍佐敦廟街284號地下
Post
