串串貢 (Closed)

朋友帶我去試四川重慶風味嘅串串火鍋，晚市任飲任食($228/1)，火鍋湯底另外收費，我揀咗紅白鴛鴦湯($78)，重慶經典麻辣燙拼芫荽皮蛋湯，辣湯見到已經知夠辣，而且夠濃夠晒辣，清湯嗰邊就可以淥菜🍲晚市時段都唔會太擠擁，重點係張枱夠大，絕對夠位放滿食物，又坐得舒服🤍食物種類方面，選擇十分多，淨係講牛肉嘅話，都有唔同醃料嘅牛肉串，例如孜然味同麻辣味，仲有個我encore咗幾次嘅牛肉芫荽卷😍仲有啲都幾特別，估唔到會有嘅配料，就好似鳳爪、豬耳、豬大腸、松茸菇、雞軟骨等等🤍好在每串嘅份量都唔會太多，所以可以試到更多唔同款嘅火鍋配料🤍