Video
Read full review
2022-03-31
140 views
放假就係食好西嘅時候，今次嚟到九龍城一間幾多人幫襯嘅Cafe，叫咗貓頭鷹全日餐($118)同鮮蝦蟹肉蕃茄蛋漢堡配薯條($118)😛扒類、意大利飯等等會跟餐湯(南瓜湯)、沙律同細細個牛角包🥐其實佢最出名嘅係龍蝦all day breakfast，見到隔離枱都有叫，賣相真係好吸引，不過我決定為荷包著想忍下口😂南瓜湯味道濃郁，仲飲到啲紅蘿蔔味，沙律同全日早餐嗰份一樣，配上黑醋汁，酸酸甜甜好開胃，沙律菜幾爽脆、唔會霉😋牛角包喺全日早餐都有出現，酥脆得嚟牛油味香濃，就算擺咗陣都仲係脆卜卜⭐️食物嚟到之後，發現漢堡包真係抵過全日早餐好多，大大份又爆餡，有5片開咗邊嘅蝦肉同好多蟹肉碎，雖然有扒刀但都係用手食先得🤣麵包表面烘到脆身，但入面保持到鬆軟🍞薯條唔算好脆不過比較粗身，所以食到多啲口感🤔全日早餐最觸目嘅當然係班尼迪蛋，蛋白熟咗但仍然有震騰騰嘅感覺，英式鬆餅表面焗到微微脆，配埋原片煙三文魚，芝士同鮮嫩嘅蛋汁，食落非常順口🥰焗大啡菇、蕃茄、茄汁豆呢啲就正正常常啦，唔想話好特別😂英式腸仔唔係好脆嗰款、口感紮實，個人嚟講就鍾意脆嘅多啲🙈煙肉煎走咗好多油，香脆得嚟唔會太燶🥓薯餅有粒粒口感，就算留到最後食都依
南瓜湯味道濃郁，仲飲到啲紅蘿蔔味，沙律同全日早餐嗰份一樣，配上黑醋汁，酸酸甜甜好開胃，沙律菜幾爽脆、唔會霉😋牛角包喺全日早餐都有出現，酥脆得嚟牛油味香濃，就算擺咗陣都仲係脆卜卜⭐️
食物嚟到之後，發現漢堡包真係抵過全日早餐好多，大大份又爆餡，有5片開咗邊嘅蝦肉同好多蟹肉碎，雖然有扒刀但都係用手食先得🤣麵包表面烘到脆身，但入面保持到鬆軟🍞薯條唔算好脆不過比較粗身，所以食到多啲口感🤔
鮮蝦蟹肉蕃茄蛋漢堡
$118
4 views
0 likes
0 comments
全日早餐最觸目嘅當然係班尼迪蛋，蛋白熟咗但仍然有震騰騰嘅感覺，英式鬆餅表面焗到微微脆，配埋原片煙三文魚，芝士同鮮嫩嘅蛋汁，食落非常順口🥰焗大啡菇、蕃茄、茄汁豆呢啲就正正常常啦，唔想話好特別😂英式腸仔唔係好脆嗰款、口感紮實，個人嚟講就鍾意脆嘅多啲🙈煙肉煎走咗好多油，香脆得嚟唔會太燶🥓薯餅有粒粒口感，就算留到最後食都依然好脆，炸得唔錯😌
貓頭鷹全日餐
$118
5 views
0 likes
0 comments
兩個套餐都配茶或咖啡，加$10可以轉cappuccino或者latte，所以就試試佢嘅拉花latte，見到咖啡師咁有心機整個圖案，心情都特別靚😝
Post
