肉多多火鍋

最近天氣有時凍凍地就好想去打邊爐。咁啱同朋友食生日飯，順便見天氣凍就去咗銅鑼灣新開嘅一間台灣邊爐試吓。位置上啱啱開係新落成嘅商場，幾近維園嗰邊叫做都幾方便。入門口係一部夾公仔機，不過佢唔係夾公仔係夾零食，啱晒小朋友嚟玩。 邊爐湯底可以選擇單一或者鴛鴦煲，我哋就揀咗鴛鴦煲。湯底都幾多選擇，同埋都幾特別。 我哋揀咗「招牌爆炒海味石頭」同「聰明沙茶魚頭湯」 。 個人覺得幾特別嘅係招牌爆炒海味石頭湯底，特別在一開始職員會喺你面前表演爆炒海味，散發出清香 ，再放啲豬肉片 ，煎香咗之後再落湯底，過程中仲會用溫度計嚟測溫度合唔合標準。非常特別。 兩個湯底味道唔算好鹹個人認為啱啱好。 之後就叫左「肉瀑布」、「餃類拼盤」、「手切日本A4和牛」、「海上花」。肉瀑布係以美國牛肉拼湊而成一個類似樓梯形， 職員會加上乾冰做出好似瀑布既外觀 打卡一流。 海上花，顧名思義是不同的魚類，合共4款。中間有一款更擺到花咁 好靚。肉質鮮嫩除咗必叫的東西外，仲可以喺外面嘅自助吧拎甜品雪糕。當日的雪糕是雀巢，有3-4款口味。 以甜品是冬瓜茶，旁邊配以三款配料，包括芋圓等。 生日壽星，更可有「蛋糕」 。 「蛋糕」不是一般蛋糕，