Don X Sushi Generation (Closed)

樓面嘅哥哥都好nice,會因應食客嘅進食速度去上菜，令食物可以係最佳溫度嘅時侯上菜。👍👍👍 刺身亦都好新鮮，第一次食油甘魚係爽口，唔係諗gigi，左口魚切得好晶凝剔透，不同平時裙邊嘅彈牙口感，配埋個檸檬醬油好清爽嘅感覺，火灸八爪魚，較為失色，但本身八爪魚都係比較鞋嘅食材。壽司方面，油甘魚同上好食，帶子甜蝦好甜好鮮，解凍做得好好，海膽冇苦味，但唔係企身海膽，所以冇咁靚。仲有一種魚唔記得叫咩，但係魚皮表面都燒過，有種淡淡嘅煙味，食落口有少少油脂，但唔會肥。主菜可以揀魚生丼同烏冬，朋友嘅魚生丼真心抵食❤，佔左大半都係角切魚生，小半係飯。我個烏冬相對失色，烏冬冇彈性，湯頭偏清淡。另外，仲有沙律，麵豉湯同甜品(綠茶忌廉大福，外層好重綠茶味，好味❤) 樓面哥哥又會主動加水，當日有朋友生日，又幫我雪住2個撻，之後仲上埋隻靚碟送出嚟，真係好窩心!🥰原本以為會食唔飽，點知食到好飽，仲要樣樣都唔錯樓面哥哥話10月25同26係佢地週年紀念，當日再去食會有coupon添。