Video
Read full review
2023-10-15
32 views
今晚老闆請食飯， book左間私房菜， 可以慢慢嘆， 唔怕比人趕。 原來呢間私房菜大有來頭， 係一間位於廣州嘅老字號酒家。老闆娘想爸爸嘅獨特創新菜色繼續發揚光大， 所以就喺尖沙咀廣東道設立呢間私房菜。全間私房菜得2張大枱，一間Privacy Room, 所以必須訂定枱， 菜式方面就由廚師發辦， 時令海鮮， 菜式全由師傅負責， 每餐大約有8道餸， 一定夠飽。今晚我地菜單： 順德式撈魚生杏汁白肺湯大閘蟹粉扒豆苗椒鹽瀨尿蝦蜜汁火方大同咖哩牛腩鮮蝦荷葉飯豉椒蟹油撈麵陳皮蓮子紅豆沙/陳皮臭草綠豆沙順德式撈魚生 - 日本魚生就食得多， 呢款似生菜包配魚生食就真係第一次。 食法好簡單， 將生菜加小小飯再加埋魚生粒（ 有鯛魚， 吞拿魚， 花生， 辣椒等等）撈埋一齊食， 好似農曆新年食撈起一樣意思。味道感覺清新， 魚生粒新鮮肥美， 頭盤真係好開胃。杏汁白肺湯 - 個湯真係不得了， 香濃杏汁味， 秋風起， 滋陰潤燥， 比多幾碗我飲就正啦。大閘蟹粉扒豆苗 - 大閘蟹粉超多， 差d 蓋過埋d 豆苗， 大閘蟹粉味道香甜， 加埋新鮮豆苗， 送飯一流。椒鹽瀨尿蝦 - 絕頂惹味， 雖然細細隻， 但每人最少都食到4隻或
全間私房菜得2張大枱，一間Privacy Room, 所以必須訂定枱， 菜式方面就由廚師發辦， 時令海鮮， 菜式全由師傅負責， 每餐大約有8道餸， 一定夠飽。
今晚我地菜單：
順德式撈魚生杏汁白肺湯
大閘蟹粉扒豆苗
椒鹽瀨尿蝦
蜜汁火方
大同咖哩牛腩
鮮蝦荷葉飯
豉椒蟹油撈麵
陳皮蓮子紅豆沙/陳皮臭草綠豆沙
順德式撈魚生 - 日本魚生就食得多， 呢款似生菜包配魚生食就真係第一次。 食法好簡單， 將生菜加小小飯再加埋魚生粒（ 有鯛魚， 吞拿魚， 花生， 辣椒等等）撈埋一齊食， 好似農曆新年食撈起一樣意思。味道感覺清新， 魚生粒新鮮肥美， 頭盤真係好開胃。
杏汁白肺湯 - 個湯真係不得了， 香濃杏汁味， 秋風起， 滋陰潤燥， 比多幾碗我飲就正啦。
大閘蟹粉扒豆苗 - 大閘蟹粉超多， 差d 蓋過埋d 豆苗， 大閘蟹粉味道香甜， 加埋新鮮豆苗， 送飯一流。
椒鹽瀨尿蝦 - 絕頂惹味， 雖然細細隻， 但每人最少都食到4隻或以上， 真係快食早享受， 瀨尿蝦肉質鮮甜， 爽口彈牙。
蜜汁火方 - 好似食三文治咁， 將菠蘿 火腿夾住黎食， 菠蘿甜味中和返火腿咸味， 2款味道好匹配。
大同咖哩牛腩-牛腩真係無得輸， 又軟又滑， 入口即溶， 好似食緊和牛咁， 辣味適中。
鮮蝦荷葉飯- 蓉葉飯加埋咖哩牛腩嘅汁食又係無得頂， 荷葉清香滲哂入飯裡面， 材料又多， 重加埋雞肝， 真係超香， 加上重有少少飯焦， 正。
豉椒蟹油撈麵 - 差不多尾聲， 已經超飽， 再加上個獨特辣椒蟹油配撈麵， 香口， 辣椒籽炒得好香， 又係到無停口的。
陳皮蓮子紅豆沙/陳皮臭草綠豆沙
2款各有特色， 紅豆沙好綿， 綠豆沙真材實料 加埋臭草， 傳統甜品， 無得頂。
不得不提老闆娘好好服務， 每道餸都教我地點食， 今晚真係盡慶而回。
Post
