麵館皇

Open Now

Now Closed

短短嘅一條登龍街雲集各間有名拉麵店，假日嚟到門口都排滿人。今日嚟到唔洗等，但質素一d都唔會輸嘅上海麵店。 午市有套餐，湯麵拌麵或飯跟飲品，五十幾，銅鑼灣區嚟講價錢算係咁。一間籍籍無名嘅上海麵店係哩到生存，一定有佢嘅理由。眼見大部份顧客都叫藥膳罐湯麵，所以食佢一定無死。 藥膳罐湯麵以石鍋上，令湯麵熱度食到尾仍然保持温度。個湯好掂，有藥膳味，但唔係太濃，較易入口。飲到有杞子、雞湯味，飲完唔口渴，絕對無味精。拉麵有咬口，粗幼適中，而且幾滑，見到廚房整緊麵團，手工麵食落特别有風味！ 醉雞罐湯拉麵，醉雞好大碟，大約八件雞，$53物有所值。醉雞酒味夠，唔會過濃，俾得多汁點，雞件下有爽口青瓜。 糖醋魚罐湯拉麵，糖醋魚炸得好香口，炸粉好薄，個皮好酥脆，唔油。糖醋汁酸酸甜甜，好開胃，配埋炸魚好夾！ 配餐嘅豆漿就甜左少少。哩到絕對係銅鑼灣嘅平價開飯天堂。