韓珍 (帝國中心) (Closed)

今日興高采烈咁同啲同事約咗喺尖沙咀食飯，咁上網喺openrice睇資料，見哩間咁高分，心諗實冇死啦，好難約到飯局，評分又咁高，諗住啲食物質素都好好啦，又睇咗幾個食評都見都唔錯喎，咁就決定好就食呢間啦，咁佢有兩間分店嘅我哋就去咗帝國中心，因為嗰間收得夜，咁到左睇完餐牌，諗住叫住個套餐先，唔夠先會再嗌其他，唔知係咪啲侍應嫌我哋嗌得少，但我覺得個套餐都唔屬於話好平㗎喎，都成七百蚊嘅，同埋我哋成晚都冇要求佢一定要加茶或者做啲咩㗎啦，而套餐入面有豬肉，成晚超痴底，個爐成日變黑，抽風系統又差，個男侍應叫親都唔理人，態度唔好，成晚本身我哋都好開心傾計,但係呢受到咁既服務真係開心唔到囉，所以我哋拿拿聲食咗個零鐘就走呀，費事留喺度，因為佢哋都係服務態度好差好差好差，我一定會周圍同我身邊朋友講，我個人本身好鍾意食韓燒，喺尖沙咀都食過無數間，第一次覺得哩間，連以前嘅放題漢陽苑都比唔上，差到咁，仲要唔係放題價錢，食物質素一般。