長發餐室小廚

Open Now

Now Closed

原本打算照舊開完會叫外賣返黎食，但來來去去又係個幾間，食都食到厭。朋友話附近開佐間中式餐廳，又有羊腩煲，又有小菜，見都有d人流，應該ok，於是開完會就組隊去食。位置就吾算顯眼，新裝修外觀企企理理，感覺幾乾淨。菜式選擇都幾多，價錢大眾，我地就一人揀佐個餸。上菜都幾快，小炒好似大排檔好有鑊氣，又唔會好咸同好油，呢點做得幾好!特別推介係個羊腩煲，真係好足料!一開蓋真係香到不得了，隔離枱d人都望過黎，笑!羊腩軟腍，仲食到d軟骨，而支竹燜得好入味，個汁又清甜，撈飯真係一流。不枉我地咁凍天時都出去食，誠意之作，希望可以keep住水準!冬天食羊腩煲真係好正，下次帶埋屋企人黎試下先。