蜀府川鍋 (Closed)

之前都帶過母親大人黎食過海鮮鮑魚雙層蒸氣塔,今次就趁慶祝母親節再帶佢黎食個原隻大蜆龍蝦粥底火鍋,超級足料有大量大蜆同兩隻龍蝦,仲要大隻過我手掌同有膏㖭。兩樣海鮮都好新鮮,好鮮甜。打邊爐嘅食物我就叫左珊瑚蚝,滋補花膠同手切牛頸脊,每樣食物嘅份量都幾多。我仲用左優惠價換左一板海膽,食到最後再落埋海膽,之後熄火就變左煲鮮甜嘅海鮮粥。不得不提嘅仲有即燒大連活鮑魚同紐西蘭蟶子皇面頭鋪滿蒜蓉,經過燒烤後蒜蓉帶出香氣同微脆口感,令海鮮鮮味更上一層樓。