Oink Square Coffee & Crêpe (Closed)

Oink係佐敦新開嘅外賣三文治小店，是晚放工都夜，唔想食得咁heavy，見佢地嘅三文治幾多款咁，就外賣返屋企試下。佢地淨係三文治都有十幾款，另外仲有小食、可麗餅同甜品，野飲選擇都好多款，沙冰、梳打同咖啡都有。吉列炸蝦肥嘟嘟三文治($50) - 三文治同個名一樣，真係肥嘟嘟好大份，炸蝦外賣返到黎都仲係脆嘅，炸蝦份量都好多，每一啖都食倒炸蝦，另外仲加左番茄、生菜同椰菜，再配埋千島醬，飽肚又好味。越式法包($54) - 法包烘到出面脆脆地，中間有扎肉、醃蘿蔔同洋蔥，蘿蔔酸味幾突出，令人食慾大開。洋蔥圈($30) - 洋蔥圈炸皮唔會太厚太硬，食酒亦唔會太油，蘸埋個醬汁食都唔錯。藍莓乳酪沙冰($38) - 沙冰打得好滑唔會有冰碎，藍莓乳酪酸酸甜甜咁幾好飲。菠蘿梳打($34) - 梳打好香甜菠蘿味，唔會太甜，裡面仲有兩舊菠難。總結，野食野飲全部幾十蚊有文易，價錢公道，份量都好足，唔想食得咁heavy都係唔錯嘅選擇。