Video
Read full review
2017-11-14
830 views
由開始轉涼開始已經打左好多餐邊爐喇～總覺得係要圍住個爐烚下烚下先夠WARM，今晚來左佐敦呢間淘園火鍋館，專登來試個花膠湯底！距離佐敦站大約５分鐘路程，好容易搵。醬料自己配搭，但個人覺得個湯夠哂香濃，可以唔加。淘園花膠雞煲翅 $268雖然個湯底比普通打邊爐的湯底貴少少，但勝在可以食埋Ｄ花膠！就算就咁睇幅圖，都會見到個花膠真係靚料，膠質好豐富，口感超好，而且份量仲唔少！一路食可以一路飲個湯，同平時果Ｄ味精湯真係冇得比，絕對值回票價！手打芝士牛丸 $78手打的丸真係零舍唔同。睇落以為平平無奇？其實Ｄ芝士勁流心，一咬開果下真係勁正！！牛味都好濃，但食果陣要小心「爆漿」，淥親都幾痛......美國肥牛 $88牛肉有好多選擇，但因為我地已經揀左比較貴的湯底，所以牛肉方面就揀左最平的美國肥牛（其實見到手切肥牛都好想試......）但係，其實呢款都已經唔錯～雖然未至於入口即融，但肉味夠甜，而且好新鮮，唔會話有雪味咁，推薦！手卷炸腐皮 $39簡單Ｄ講即係響鈴卷。睇賣相都知同平時超市買果Ｄ現成響鈴卷好唔同，特別香脆。老闆仲介紹我地唔淥，就咁點酸汁食，真係別有一番風味。芋絲 $29另外我地仲嗌左支啤酒同埋山
今晚來左佐敦呢間淘園火鍋館，專登來試個花膠湯底！
距離佐敦站大約５分鐘路程，好容易搵。
醬料自己配搭，但個人覺得個湯夠哂香濃，可以唔加。
淘園花膠雞煲翅 $268
雖然個湯底比普通打邊爐的湯底貴少少，但勝在可以食埋Ｄ花膠！
就算就咁睇幅圖，都會見到個花膠真係靚料，膠質好豐富，口感超好，而且份量仲唔少！
一路食可以一路飲個湯，同平時果Ｄ味精湯真係冇得比，絕對值回票價！
手打芝士牛丸 $78手打的丸真係零舍唔同。睇落以為平平無奇？其實Ｄ芝士勁流心，一咬開果下真係勁正！！
牛味都好濃，但食果陣要小心「爆漿」，淥親都幾痛......
美國肥牛 $88牛肉有好多選擇，但因為我地已經揀左比較貴的湯底，所以牛肉方面就揀左最平的美國肥牛
（其實見到手切肥牛都好想試......）
但係，其實呢款都已經唔錯～
雖然未至於入口即融，但肉味夠甜，而且好新鮮，唔會話有雪味咁，推薦！
手卷炸腐皮 $39
簡單Ｄ講即係響鈴卷。
睇賣相都知同平時超市買果Ｄ現成響鈴卷好唔同，特別香脆。
老闆仲介紹我地唔淥，就咁點酸汁食，真係別有一番風味。
芋絲 $29
另外我地仲嗌左支啤酒同埋山渣水，埋單大約$300一位，而且質素相當唔錯。
趁住天氣涼，真係要快Ｄ試下！
Post
