銘興酸菜魚 (黃埔新邨)

Open Now

Now Closed

📍銘興酸菜魚 (黃埔新邨) (紅磡)📍紅磡黃埔新邨德民街36號地下C號舖🟡銘興招牌無刺老壇酸菜魚配寬粉 $58 🟡秘制金湯肥牛配飯$58🟡手撕雞涼皮 $68🟡脆脆香小蘇肉 $40🟡抹茶流心芋球 $40🟡豆漿 $8今日去咗黃埔食酸菜魚，叫咗招牌無刺老壇酸菜魚配寬粉。魚肉鮮嫩多汁，有超多片，下面亦都有好多配菜，我唔太食到辣叫咗小辣，小辣都feel到佢哋嘅酸辣風味好出色。朋友叫咗秘制金湯肥牛配飯的肥牛肉質鮮嫩，冇諗過呢個價錢竟然有咁多配料，肉質好好，中辣金湯嗰種辣係可以不停繼續食，以前試過一啲酸菜魚嘅中辣辣到食唔到。連朋友都大贊！另外叫咗兩個小食，手撕雞涼皮和脆脆香小蘇肉。手撕雞涼皮真心，用咗一個好好嘅涼皮食材，辣辣地，手撕雞翼都唔嚡，真心每一個配搭都完美結合，一定要試下！脆脆香小蘇肉，炸得好酥脆，見到差唔多每台都有叫，$40有一大份好抵又好食！最後叫咗個甜品抹茶流心芋球。呢個真係超好食，外層酥脆，有啲綠茶脆脆喺出邊，入邊有流心蛋黃，以為六粒食唔晒，最後每人三粒都食晒！銘興酸菜魚的價格好親民，好實惠，好多街坊過嚟食！成件事真係物超所值！