Video
Read full review
2023-01-25
125 views
💁♀️💁♂️20/1/2023(Fri), Dinner🍽年廿九呢一晚為食妙妙🙋♀️同A先生🙋♂️搵食搵到去紅磡崇潔街，見到呢間雲南米線🍜都唔錯咁，一於入去試試先。而今晚我地order左：🔆 招牌酸辣湯米線 配 秘製腩肉、雞肉絲、螺旋藻同炸響鈴（大辣）（$69）A先生有個習慣，食雲南酸辣米線必選腩肉做配料，總係覺得腩肉同酸辣米線係絕配。所以今次都唔例外，選擇咗秘製腩肉、雞肉絲、螺旋藻同炸響鈴做配料😋。店家自製既秘製腩肉帶微辣，切成薄片入口肉質軟淋，本身已經有微辣醬汁煮過既味道，呢個味同酸辣湯底好配合，所以建議係必叫之選，而且份量都唔少，食到尾都仲有腩肉食。雞肉絲係一個驚喜😱，雞肉絲誠意份量十足👍，份量作為一個配料嚟講係十分之多，喺碗入面一大堆咁。亦都因為佢撕得夠幼細，所以雞肉絲索咗湯之後係好好食😋😋😋。螺旋藻見佢幾特別，所以又叫嚟試吓。食落有少少似海帶咁，爽爽地。原來佢係一款健康既食物，有著多項保健既功效❤。響鈴就係為食妙妙每次火鍋🍲必食既，今次見到可以選嚟做配料，吸咗酸辣湯底之後都好吸引。店家既酸辣湯底有炸醬、酸菜、韭菜、芽菜同蔥，酸同辣既平衡做得好好👍👍，唔會偏咗去某一邊，用上豬骨
💁♀️💁♂️20/1/2023(Fri), Dinner🍽
年廿九呢一晚為食妙妙🙋♀️同A先生🙋♂️搵食搵到去紅磡崇潔街，見到呢間雲南米線🍜都唔錯咁，一於入去試試先。
而今晚我地order左：
🔆 招牌酸辣湯米線 配 秘製腩肉、雞肉絲、螺旋藻同炸響鈴（大辣）（$69）
A先生有個習慣，食雲南酸辣米線必選腩肉做配料，總係覺得腩肉同酸辣米線係絕配。所以今次都唔例外，選擇咗秘製腩肉、雞肉絲、螺旋藻同炸響鈴做配料😋。
店家自製既秘製腩肉帶微辣，切成薄片入口肉質軟淋，本身已經有微辣醬汁煮過既味道，呢個味同酸辣湯底好配合，所以建議係必叫之選，而且份量都唔少，食到尾都仲有腩肉食。
雞肉絲係一個驚喜😱，雞肉絲誠意份量十足👍，份量作為一個配料嚟講係十分之多，喺碗入面一大堆咁。亦都因為佢撕得夠幼細，所以雞肉絲索咗湯之後係好好食😋😋😋。
螺旋藻見佢幾特別，所以又叫嚟試吓。食落有少少似海帶咁，爽爽地。原來佢係一款健康既食物，有著多項保健既功效❤。
響鈴就係為食妙妙每次火鍋🍲必食既，今次見到可以選嚟做配料，吸咗酸辣湯底之後都好吸引。
店家既酸辣湯底有炸醬、酸菜、韭菜、芽菜同蔥，酸同辣既平衡做得好好👍👍，唔會偏咗去某一邊，用上豬骨去熬製湯底，再逐碗米線即叫即煮，所以味道有層次，有豬骨湯既鮮甜味道再配合返酸辣既味道，整體既味道都好匹配。
🔆 秘製麻辣湯紅薯粉 配 鹵水大腸、豬軟骨同冬菇皇（中辣）（$60）
鹵水大腸切細件，本身大腸都鹵得入味，大腸又洗得乾淨，唔會有多餘既肥膏。
豬軟骨🐷肉淋而軟骨爽脆，呢一點唔係間間都做到架，真係試過喺其他地方叫豬軟骨既軟骨係咬唔入架。炆煮豬軟骨既醬汁微甜，而且炆得入味，呢個豬軟骨單叫都好吸引，可惜小食方面無豬軟骨，只可以做米線既配料，否則當小食都唔錯🤤。
冬菇皇🍄見佢係店家推介又加一份試試先，冬菇上枱已經切半，但都見到係好大隻厚肉。店家將冬菇炆得淋滑入味，加上又夠厚肉，好食既冬菇就係要咁樣，絕對值得一試👍👍。
秘製麻辣湯底有炸醬、韭菜、芽菜同蔥，都係用上豬骨湯底再逐碗煮，味道麻得嚟又唔會好搶，麻到你食唔出其他配料既味道。紅薯粉煮得煙韌，吸收咗麻辣湯底之後十分好食，難得既係呢道可以選紅薯粉而唔使加錢👍🏻。
🔆 甜酸齋（小食$24）
甜酸齋可做米線既配料，亦可以做小食。今次就叫咗個小食既份量嚟試試。麵根用上甜酸汁炆煮後，再雪凍就成為呢一個小食，麵根炆得夠淋又入味，呢個小食絕對比得上齋舖既甜酸齋。
🔆 麻辣鮑片（小食$24）
仿鮑片再配上麻辣醬就成為呢一個小食，仿鮑片本身已經有味道，配上麻辣程度適中既醬汁，簡簡單單咁一個小食都唔錯。
🔆 豆漿（$9）
🔆 汽水🥤（$9）
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤❤(5/5)
❤🙆♀️(為食妙妙)整體食評：❤❤❤❤❤(5/5)
👉🏻 店家有QR code落單，想要咩配料，走咩配料，同埋辣道都可以自選，十分方便。
🔆🔆🔆🔆🔆🔆🔆🔆🔆🔆🔆🔆🔆
Post
