豪門小菜火鍋

Open Now

Now Closed

秋風起進入蟹季，食完大閘蟹就梗係要搵吓其他蟹嘅主題特色菜嚟食啦。今次搵到呢間位於宋王臺地鐵站行幾分鐘就到嘅豪門小菜火鍋店，餐廳裏面係滿滿嘅地道港式人情味，大排檔小炒、傳統中菜有齊晒，係一間地道嘅香港中菜館。金銀蛋浸豆苗新鮮豆苗炒得翠綠爽口，配上皮蛋粒同埋鹹蛋粒爆香，炸香嘅蒜子加埋上湯，清新而且鮮嫩爽滑。蟹黃小籠包薄薄嘅小籠包外皮包住蟹黃同鮮甜嘅肉汁，咬開小籠包真係好Juicy。蟹黃加上鮮甜嘅肉汁真係絕配，記得要趁熱食。蟹粉撈擔擔麵超足料蟹粉撈擔擔面呀，一上枱蟹粉滿瀉，餐廳真係一啲都唔手軟啊。擔擔面Q彈，淡淡都食到蟹粉真係好滋味。雲吞雞煲翅超足料嘅一個雲吞雞煲翅，湯底濃郁，滿滿係精華，秋冬先食呢個真係好滋補啊。大大煲最啱同屋企人嘅朋友一齊share，雞件分量十足雲吞都好入味。三層脆豆腐第一次食呢一味餸，一開始叫嘅時候以為係普通嘅炸豆腐，上枱超有驚喜。原來呢一款三層脆豆腐係手工菜，出邊好難食到㗎。自家製豆腐，用心製作，豆腐食落口超滑溜，再以高湯芡汁上枱，好有驚喜。