Video
Read full review
2019-02-20
512 views
好耐冇食過旺角果啲樓上Café，今次同朋友去到「金雞廣場」，我真係第一次黎呢個廣場，對呢到冇乜認識，不過朋友話之前係呢個廣場搵食，覺得價位公道同埋冇咁多人，會舒服啲，所以就帶我黎。環境Café不算大，但有提供比較多人座既位置，可以坐10人一張枱都冇問題，令我即刻諗返起Re-u呢樣野，大學生好中意一班人去Café食野吹水坐一晚，相信呢到叫自己做「To-Gather Cafe」都係因為想提供一個場地同大枱比一大班朋友上黎食野吹水，亦唔少得Café必備既遊戲供應。另外，朋友因為手機冇電，就問左店員有冇充電頭，可以比$100按金，座位下面有插座比你插電，呢點幾好，唔洗比錢借尿袋。餐牌以Set餐為主，有A至I餐可供選擇，都有一個叫做Party for two，有哂小食、主菜、甜品，飲品仲任飲添，不過主菜選擇就得四款，當中冇我地想食既款式，所以我地都係叫返Set Dinner。珍寶吉列鳳尾蝦配薯角 $55都幾大份，吉列鳳尾蝦幾大一條，外層酥脆而且完全冇油溢味，炸油新鮮，蝦既肉質都可以，薯角正正常常，以$55價錢都不錯。Set Dinner均送是日餐湯及$32以下飲品一杯，亦可以補回差價選擇$32以
環境
Café不算大，但有提供比較多人座既位置，可以坐10人一張枱都冇問題，令我即刻諗返起Re-u呢樣野，大學生好中意一班人去Café食野吹水坐一晚，相信呢到叫自己做「To-Gather Cafe」都係因為想提供一個場地同大枱比一大班朋友上黎食野吹水，亦唔少得Café必備既遊戲供應。
另外，朋友因為手機冇電，就問左店員有冇充電頭，可以比$100按金，座位下面有插座比你插電，呢點幾好，唔洗比錢借尿袋。
餐牌
以Set餐為主，有A至I餐可供選擇，都有一個叫做Party for two，有哂小食、主菜、甜品，飲品仲任飲添，不過主菜選擇就得四款，當中冇我地想食既款式，所以我地都係叫返Set Dinner。
珍寶吉列鳳尾蝦配薯角 $55
珍寶吉列鳳尾蝦配薯角
$55
15 views
0 likes
0 comments
都幾大份，吉列鳳尾蝦幾大一條，外層酥脆而且完全冇油溢味，炸油新鮮，蝦既肉質都可以，薯角正正常常，以$55價錢都不錯。
Set Dinner均送是日餐湯及$32以下飲品一杯，亦可以補回差價選擇$32以上飲品。
是日餐湯 — 蘑菇忌廉湯
好足料，仲有麵包碎係面，飲落幾香蘑菇味，而且質地濃稠，都幾飽肚。
Set Dinner H — 原條鰻魚飯 $119
鰻魚真係好大一條，但口感同味道有小小令人失望，鰻魚比較韌，咬落去冇魚油香同口感唔柔軟，飯亦比較硬身小小。
Set Dinner I — 黑松露海鮮意大利飯 $119
Set Dinner I — 黑松露海鮮意大利飯
$119
8 views
0 likes
0 comments
包括左海蝦、藍青口、魷魚及蜆肉，所用既盤幾特別，係用長身既盤裝住，食起上殷要小心啲，因為好易拔出界。意大利飯有做到小小煙韌既口感，粒粒都有沾上忌廉汁，幾有咬口，而海鮮份量都多，海蝦夠彈牙、藍青口冇沙唔腥，比起原條鰻魚飯出色好多。
咕力樂 單點$50
咕力樂(跟餐)
$18
10 views
0 likes
0 comments
跟Set Dinner補回差價補$18，好大一杯！由樂家杏仁糖+朱古力Blend成，面頭有少少樂家杏仁糖既花生碎，飲落係以朱古力味為主，但冇平時果啲咁甜咁膩，幾岩我口味。
香蕉朱古力 單點$37
跟Set Dinner補回差價補$5，友人點左呢杯熱既香蕉朱古力，聞落好香香蕉味，味道正常。
總括而言，雖然我同友人得2個人，但因為我地比較夜先食Dinner，餐廳都比左張大枱我地，坐得十分舒服，唔止岩同朋友上黎食飯吹水，真係好岩一大班上黎，都有好幾枱係一大班人一路食一路玩，氣氛好愉快。
Post
