人和月雞煲火鍋店 (Closed)

今日朋友話帶我去試食新嘢，講到神神秘秘咁樣。一見到人和月雞煲火鍋呢個名🍲，笑咗出嚟😄。心諗雞煲🍲有咩咁特別呀。朋友就話你坐低睇吓先啦你一定會鍾意😍。坐低咗之後朋友order左一個芝士酥皮雞煲🍲。我係一個好鍾意飲酥皮湯嘅人🥣。完全冇諗過酥皮可以配雞煲。出嚟嘅效果仲好好添。雞煲可以自選辣度🌶️，咁就可以啱晒唔同口味嘅人啦。食完酥皮雞煲之後，就可以選擇湯底打邊爐🍲，我哋今次食係C套餐。會包咗一個海鮮拼盤同埋牛肉拼盤🐟🦐🦞。海鮮食落都好新鮮，牛肉亦都好新鮮。另外亦都可以用QR code去點其他食物。特別推介嘅係要點牛胸爽🐮🐮。佢真係做到好爽口。另外自助吧亦都有其他火鍋材料。飲品櫃選擇亦都好多🥤🧃🧋，最令我驚喜嘅係佢哋有自家製嘅洛神花茶同梅茶等。最後加埋杯雪糕🍦，簡直令人心滿意足。