Video
Read full review
2017-12-08
1748 views
由細玩到大的表弟在銅鑼灣某高級髮廊挨左幾年，雖然數月前終於升格做師傅，但表面風光，捨得付幾百大元剪一個頭的顧客畢竟不特別多，儲客階段期間，他媽媽即我阿姨，都經常請求我們這些表兄長姊妹多多支持，以半價只付髮型屋的基本收費去剪一個頭，對於我這種長髮女生一年才剪兩三次頭，半價後其實跟我平時光顧開的髮型屋價位差不多，所以我亦沒有所謂。由十月打算剪頭髮，但一直沒有空，終於拖至十一月尾要清假，趁無事可做正好去剪頭髮。剪完頭髮就跟表弟食埋lunch，由於不敢走遠怕隨時有客到，所以每次我都會在他工作的髮型屋附近食，今次就選了韓國的過江龍Pizza Maru。Pizza Maru在韓國有幾百間分店，之前在韓國旅行都沒有試過，今次終於有機會。＊＊＊＊＊＊＊＊＊＊＊＊＊Pizza Maru就在希慎廣場，無論搭扶手電梯或升降機一出都會見到，方便易找。店內空間感十足，能容納數十位食客而座位不會過於擠迫。餐廳左手邊有一整排玻璃窗，日光照遍整間餐廳，令人感覺很精神。餐廳雖然有午餐供應，但由於想吃炸雞和Pizza，所以我們就選擇單點。Maru紫蘇炸魷魚圈($73)炸鮑魚圈一客有八九件，炸漿上黏附著一點點紫蘇葉，鮑魚圈
由十月打算剪頭髮，但一直沒有空，終於拖至十一月尾要清假，趁無事可做正好去剪頭髮。剪完頭髮就跟表弟食埋lunch，由於不敢走遠怕隨時有客到，所以每次我都會在他工作的髮型屋附近食，今次就選了韓國的過江龍Pizza Maru。
Pizza Maru在韓國有幾百間分店，之前在韓國旅行都沒有試過，今次終於有機會。
＊＊＊＊＊＊＊＊＊＊＊＊＊
Pizza Maru就在希慎廣場，無論搭扶手電梯或升降機一出都會見到，方便易找。
店內空間感十足，能容納數十位食客而座位不會過於擠迫。餐廳左手邊有一整排玻璃窗，日光照遍整間餐廳，令人感覺很精神。
餐廳雖然有午餐供應，但由於想吃炸雞和Pizza，所以我們就選擇單點。
Maru紫蘇炸魷魚圈($73)
炸鮑魚圈一客有八九件，炸漿上黏附著一點點紫蘇葉，鮑魚圈中間還有椰菜絲沙律。
Maru紫蘇炸魷魚圈
$73
37 views
0 likes
0 comments
炸鮑魚圈炸漿又薄又香脆，不會過油，入口熱辣辣，魷魚有咬口之餘會食到紫蘇葉特有的香味，幾特別。中間的椰菜絲沙律澆上千島醬，食落酸香十足正好解去炸魷魚圈的膩感。
Maru紫蘇炸魷魚圈
$73
21 views
0 likes
0 comments
(左): 蜜柚冰茶($48)
蜜柚冰茶雖然不是特別大杯，不過由於冰量不多，所以都夠飲。冰茶茶味夠濃，有淡淡柚子味，味道酸酸甜甜跟平時的水果茶差不多。
(右): 熱情芒果冰茶($48)
熱情芒果冰茶外表跟蜜柚冰茶差不多，飲落比一般水果茶多了一點點芒果香味，味道不錯。
蜜柚冰茶&熱情芒果冰茶
$48
23 views
0 likes
0 comments
蒜香甜辣秘製炸雞($98/6件)
豬牛羊豬入面我最不喜歡就是雞，唯一喜歡的就是韓式炸雞和雞煲。
Pizza Maru有提供六款炸雞，雖然款式不算特別多，但有辣有唔辣，作為一間非以炸雞作主打的韓食店，都可以接受。
由於我和表弟都吃辣，但我又不知道他嗜辣的情度，所以保守一點只點這款蒜香甜辣炸雞，最值得一讚是餐廳內每款炸雞都可選擇六件或十二件，即使人少少都不怕食唔晒。
餐廳有膠手套提供，不怕整污糟手，是細心位。但炸雞奉上時真是熱得燙手，所以最後我都只用叉食。
炸雞表面閃令令，上面有一點點香蒜和香草碎，炸雞皮炸得香脆，皮下肥膏不特別多，食落甜多過辣，辣度只屬於微辣，雞肉嫩滑，不過建議要趁熱食，因為凍左雞肉有點變鞋了。
韓國烤肉芝加哥($176)
叫得Pizza Maru冇理由唔點Pizza吧？！店內Pizza選擇比炸雞還要多，有十多款選擇，其中見餐廳重點推介這個芝加哥系列，所以我們就選了這個韓國烤肉芝加哥。
其他Pizza都有9吋和12吋之分，但芝加哥Pizza就只有9吋，大抵是因為芝加哥Pizza用上大量芝士，較其他Pizza飽肚，所以份量少一點。
9吋的韓國烤肉芝加哥分成六件，上面有馬蘇里芝士、芝士條、牛小排、臘肉腸、番茄、巴馬臣芝士、香芹和番茄醬，整個Pizza面灑上了一層糖霜，感覺有點聖誕。
韓國烤肉芝加哥
$176
41 views
0 likes
0 comments
韓國烤肉芝加哥
$176
24 views
0 likes
0 comments
切開Pizza，會見到拉絲效果非常誇張，不只是一兩條絲，而是三角形的Pizza兩邊都有整行芝士拉出，無論是否芝士迷見到都會興奮。
韓國烤肉芝加哥
$176
20 views
1 likes
0 comments
不單Pizza面有芝士，其實連Pizza邊都有，Pizza屬於厚底，烘得微脆又有咬口，加上超級煙韌的芝士，有點像吃吹波膠。
芝士雖然非常有咬口，但芝士味不算特別重，食落反而是糖霜的甜味和番茄醬的微酸味為主，整體味道出色。
由於太多芝士，所以都幾飽肚，9吋都夠2至4人食。
韓國烤肉芝加哥
$176
30 views
0 likes
0 comments
總結，Pizza和炸雞都做得非常出色，雖然未食過韓國店不知味道如何，但相信味道應不會相差太遠，價格亦屬合理水平，絕對值得一試。
Post
