齊柏林熱狗店 (TKO Gateway東翼)

Open Now

Now Closed

坑口最近開咗間人氣熱狗店🌭，成日都排長龍，今日終於忍唔住去咗試一試。餐廳只做外賣，冇得堂食，由於即叫即製，而且小店經營，所以我地落單後都等咗一段時間先有得食。我地叫左兩個餐，先講芝味熱狗，雖然話係三重芝士🧀🧀🧀，但由於會溶埋一舊，所以唔係咁食得出三種味，而且呢款嘅配料只有少許粟米，味道變得比較單調同淡味。不過芝士嘅份量真係好多，口感煙煙韌韌，鐘愛芝士嘅朋友可以一試。至於牛油粟米杯🌽，粟米夠甜，但就略嫌牛油味🧈唔夠，有點失望。相比之下，呢個澳式風情熱狗嘅表現就出色得多，芝士雖然唔似芝味熱狗咁多，但勝在有炙燒過🔥，食落較香口惹味。配料亦非常豐富，有菠蘿🍍喎煙肉🥓，配上千島醬，味道一流。薯條方面，因為入咗外賣盒嘅關係，食嘅時候薯條🍟已經焗腍左，有啲可惜，不過茄汁加千島醬嘅配搭值得一讚，幫薯條加番啲分。