鴻記極品雞蛋仔

Open Now

Now Closed

好多年前已經聽到人哋話太安樓好多嘢食 ，但係就一直都未去過， 其實佢只係太古城幾分鐘路程， 今日買完嘢就過去試下啦。一去到就見到地面嗰層差唔多全部都係食店， 有選擇困難症嘅話真係唔知揀咩好呀， 好似一個小型夜市咁。 我就已經有目標㗎喇， 我今日要去食雞蛋仔， 上網見啲人話呢間鴻記雞蛋仔好正， 就即刻過去買一底試下啦 !我要咗一底原味嘅雞蛋仔， 等咗大約七至八分鐘左右啦， 一拎上手熱辣辣，影相都有啲難度呀 ! 一咬落去係我鍾意嗰隻蛋糕形雞蛋仔呀 ! 唔係“空心老倌“呀! 成個雞蛋仔真係好唔錯，不過如果佢個蛋再香啲就100分啦 。成份雞蛋仔唔細份㗎，我一個人食曬都幾飽，如果兩個人share就啱啱好喇。