新惠和

Open Now

Now Closed

一入到塔門行過碼頭，見到兩間鋪頭都係好多人等位。呢一間條龍特別長，個個都係為咗食佢嘅豆腐花同埋飲無冰凍奶茶。我見佢哋咁長龍就去咗營地紮個營先，搞掂晒先落返嚟嘆冷氣食凍野。差唔多五點嘅時候冇咗條人龍，問一問先知道因為冇晒凍豆腐花得熱食😂，咁都食架啦。叫埋支無冰凍香濃凍奶茶。其實豆腐花熱食係仲滑嘅，無石膏粉味，薑味唔濃，可能我啲黃糖落多左遮左啲味，最緊要夠滑。支無冰香濃凍奶茶唔夠凍嘅，不過啲奶茶味都OK。坐咗一陣佢哋都自己圍埋食飯，冷氣其實未嘆夠但唔好阻人食飯就走人。其實呢間野仲有其他嘢食例如海膽三文治海膽炒飯但係其實我冇見到有人食可能時間唔啱。