瑞樵閣

Open Now

Now Closed

要響香港食瑞士菜其實只係得一兩間，而呢間喺半島酒店嘅瑞士餐廳更加係一位難求，好耐之前訂咗位終於有機會去試吓，一入到去餐廳裝修好靚呀！溫暖嘅感覺好似真係去咗瑞士嘅屋仔入邊。餐廳夥計推介有蒜蓉包、羊架同埋芝士火鍋咁就梗係要試吓佢介紹嘅嘢食啦，個蒜蓉包有啲芝士係面好香呀，而羊扒四成熟亦都係非常之好味，同埋好有肉香，而佢哋個芝士火鍋除咗有啲蔬菜同薯仔之外另外仲有一籃麵包粒俾你點啲芝士嚟食。而今次係同朋友生日慶祝所以再點埋佢哋特色嘅朱古力屋仔，屋仔入邊有雲呢拿雪糕再喺出面淋啲朱古力醬上去，為呢一餐畫上一個完美嘅句號。