皇室甜品 (眾安街)

Open Now

Now Closed

未入舖頭已經見到好幾個國內人喺度傾偈已經知道間嘢可能會用好平嘅成本去做糖水俾人食。點知坐低，同我個friend叫咗芒果糖水。人生從來未食過咁難食嘅芒果糖水。大佬我叫芒果糖水，點解俾咗碗芒果沙冰我㗎。 佢啲芒果味勁化學，芒果味超淡，完全食唔到新鮮嘅芒果味。食到差唔多，啲冰開始溶，見到一堆黃色嘅糖漿，好恐怖。我究竟食緊啲乜嘢啊。坐嘅位置亦都好污糟，坐坐吓俾蚊螆咬。望到佢哋廚房勁污糟囉食嘢都唔開胃。以後幾想食糖水，都唔會再幫襯。 去返其他比較有名嘅糖水連鎖店，比較安全。