夢 (Closed)

今日老公去咗練跑，即刻約細妹去食懷石料理Omakase。都唔係第一次食呢間，每次都有驚喜，呢度同大家分享下。先黎一個前菜，d泡泡係青萍果味分子料理，幾開胃。呢個叫北極光流星，上菜碟係廚師自己畫既畫背景，幾特別，打卡好靚，四樣食材，跟建議次序食係帶有果香味既龍蝦，上面有d似瑤柱既配料，之後紫薯做既果凍、紅豆八爪魚同用櫻花蝦做既蝦芋。跟住呢個係冬天decoration, 有3款魚生，第一款係𩶘魚配柚子味既醬料，第二款係薄切深海池魚，入口即化，最後係火炙梭子魚，d油迫哂出嚟，入口香，幾款魚都好新鮮。再黎松葉蟹蓋，d蟹肉份量好多又鮮，夠哂熱，由中間食，好creamy, 外面炸得金香。呢碟係主廚負責，有四款，跟建議次序咁食，先食高溫慢煮北海道既帆立貝，連同野菌醬、意大利青瓜加d米通一口食，味道又脆又鮮，好滿足，跟住品嚐條叫目光魚，由尾食番到頭，好脆冇骨。有個北海道粟米波，食落唔算特別，最後有個蓮藕漬，呢碟整體唔錯。食完主菜，一個用北海道糯米配法國黑松露記意大利飯再配一個麵豉湯，食落味道都好唔錯。最後甜品好有心思，沿用冬天做主題，用碟同放紅豆mochi既盒做左漫天飛雪既景象。甜品味道都唔錯，有青萍