花月宮

Open Now

Now Closed

花月宮🌷🌜最近瘋狂打邊爐，去左呢間位於尖沙咀既打卡餐廳～餐廳裝修精緻，好有中式古典風味。menu 上有多種湯底、肉類、海鮮、丸類等等。花月宮特色四格鍋（$268）四川麻辣鍋，湯底麻辣得好平衡，辣度啱啱好，入邊仲有鴨血等等食材。藥膳花雕花膠醉雞鍋，又係好多料，湯底養生，仲會跟咗一碟大大塊嘅花膠同埋醉雞。黑松露野菌鍋，滿滿既野菌，湯底好香菇味。 蕃茄濃湯海鮮鍋，入面仲有一堆魷魚仔同埋蝦，味道清爽。個人都幾推介呢個四格銅，一次可以試晒四個湯底之外，仲入邊好多配料。美國頂級手切封門柳（$238）手切封門柳口態軟滑，好嫩，牛肉味香濃。一碟份量都唔少，手切厚薄度適中，令到口感提升。風花雪月手打丸拼盤(12粒)（$168）呢個手打丸拼盤打卡一流 ，除咗靚之外仲好好食。佢入邊有曬menu 咁多款手打丸， 個人覺得最好食嘅係鮑魚丸，呢個出邊比較少見之外，仲啖啖肉，都食到鮑魚嘅鮮味，口感彈牙。