漫花燈火OMG (Closed)

🦞性價比🦑：🟢🟢🟢⚫⚫🥞美食體驗🧇：第二次黎食，超靚的餐廳，以「萬花筒」作為主題，行入黎的時候會先經過萬花筒隧道，係極靚的打咭位。食物水平係好高既，但真心貴，預兩個人食lunch既話，加埋飲野之類，人頭費將近400蚊。黎之前要有心理準備📸打咭體驗📸：鋪頭入面色彩繽紛，唔同區域有唔同的影法，無論想影萬花筒又好，想影純色背景又好，想影彩色背景又好，應有盡有🧑‍🍳服務：入面的侍應都係年輕人黎，好勤力。我對佢地呢方面的印像好好。🍳食物搭配：開心果羊架加薯條係好好食既，但叫價360蚊左右(未計加一)，純以食物水平黎講，呢個羊排係外面食最多180蚊，無可能再多，再好食既羊排都只係羊排。而食物的溢價就由裝修、食物的心思等等彌補。另外叫左一個蛋糕，168元(未加一)，同樣係非常非常高價，出面食同一個水平的話90蚊不可能再多。不過佢有好好的噱頭，有個糖膠放左係頂，又比個鎚仔你打碎個糖膠，呢日係我同朋友慶祝生日，店鋪果邊送左頂生日蛋糕帽仔比我朋友，成個服務令到我即时感覺蛋糕的價錢抵抵地比。將糖膠打碎當係吹蠟燭，感覺又幾開心小食方面，炸雞翼係超級好食。佢的5色野飲都值得叫，又靚、感覺又新奇，而且真係幾好飲。