小南國 (Closed)

同舊同事食飯, 大家分別在中環, 金鐘同上環返工, 於是揾咗個中間點在萬宜大廈“小南國“食啦!有5個人,一坐低已經懶得想散叫餸, 便叫咗個四人套餐($598), 再加咗個生煎飽. 嘩! 個侍應仲問我地四人餐駛唔駛加到5人份量, 好彩無加, 依家咁既份量我地都食唔晒, 飽到想死!套餐有:1.烤夫, 醉雞, 馬蘭頭: 烤夫同醉雞都係一貫的水準, 馬蘭頭唔係我杯茶, 只食咗少少2.清炒河蝦仁: 凍咗我先食, 都几爽, 不過無咩特別3.稻草肉荷葉餅: 稻草肉好似係這裡的名菜, 好油好肥的五層肉, 熱食時味道好好, 但一但放凍咗就唔好, 我同朋友都係逐層將肥肉片走只食瘦肉.4.小黃魚: 每次黎小南國我都愛小黃魚, 外面脆脆的不太油膩, 裏面的魚肉好滑好好味!5.豆苗: ok的一碟菜6.湯: 名我唔記得囉, 好難讀的一個名稱, 只知道湯裏面有咸肉, 百頁, 筍,應該仲有雞湯, 好濃味, 熱飲唔錯, 但由於冷氣吹凍咗, 所以我覺得有d咸.7.小籠飽: 最後一個菜, 已經飽到動不了, 所以唔覺太特出, 但汁好多好多!8.糖水今日係綠豆爽: 好味吔! 可惜我嗰碗只有一粒仔馬蹄, 但綠豆好粉9.另加的灌湯