Video
Read full review
2022-10-19
677 views
每次經過見到呢間餐廳有鵝油撈麵，望到張相都覺得好正，成日都想入嚟試吓，今次終於有機會入去坐低食過晚飯。同朋友一齊叫咗一個二人餐，有晒我哋想食嘅嘢，仲$200有找，真係非常之抵。✨炯記二人套餐 $198最好嘅就係呢一個二人套餐入邊有啲款式都有得俾你揀，唔係Fix咗冇得選擇👍🏻👍🏻👍🏻是日例湯今日嘅例湯係紅蘿蔔粟米豬展湯，飲落去勁似屋企自己煲嘅咁樣嘅味道，粟米好甜，呢碗湯真係一口氣飲晒🤭麻辣手撕雞份量係半隻雞，嚟到之後我同朋友都哇咗一聲，覺得份量超級多，心諗死啦唔知食唔食得晒，手撕雞好滑，再配埋佢哋秘製嘅麻辣汁，因為本身雞肉都有啲味道，再配埋麻辣汁，簡直一流👍🏻👍🏻醬皇豬手見到個樣同普通豬手差唔多，冇乜特別期望，但係一咬入口超級驚喜，因為豬手非常之林，而且又好入味，每一啖都食到豬手嘅膠原，真係超正，食完呢個豬手，我覺得自己吸收咗好多膠原蛋白🤣麻辣雞腎+酸辣雲耳呢兩款小食都幾好，唔差，尤其是雞腎方面，唔好以為平時好硬既咁，原來佢係都要叫做軟熟👍🏻唔難咬口，酸辣雲耳個酸辣汁好開胃太子鵝油撈麵呢個撈麵，應該係佢哋餐廳嘅招牌菜，能夠做到每一條闊面都沾滿左鵝油，呢樣嘢做得好好，不過我自己略嫌味道比較
✨炯記二人套餐 $198
最好嘅就係呢一個二人套餐入邊有啲款式都有得俾你揀，唔係Fix咗冇得選擇👍🏻👍🏻👍🏻
是日例湯
今日嘅例湯係紅蘿蔔粟米豬展湯，飲落去勁似屋企自己煲嘅咁樣嘅味道，粟米好甜，呢碗湯真係一口氣飲晒🤭
麻辣手撕雞
份量係半隻雞，嚟到之後我同朋友都哇咗一聲，覺得份量超級多，心諗死啦唔知食唔食得晒，手撕雞好滑，再配埋佢哋秘製嘅麻辣汁，因為本身雞肉都有啲味道，再配埋麻辣汁，簡直一流👍🏻👍🏻
醬皇豬手
見到個樣同普通豬手差唔多，冇乜特別期望，但係一咬入口超級驚喜，因為豬手非常之林，而且又好入味，每一啖都食到豬手嘅膠原，真係超正，食完呢個豬手，我覺得自己吸收咗好多膠原蛋白🤣
麻辣雞腎+酸辣雲耳
呢兩款小食都幾好，唔差，尤其是雞腎方面，唔好以為平時好硬既咁，原來佢係都要叫做軟熟👍🏻唔難咬口，酸辣雲耳個酸辣汁好開胃
太子鵝油撈麵
呢個撈麵，應該係佢哋餐廳嘅招牌菜，能夠做到每一條闊面都沾滿左鵝油，呢樣嘢做得好好，不過我自己略嫌味道比較淡口咗少少，不過整體都唔差，因為其實聞到好香鵝油嘅味道🤤
郊外油菜
油菜我哋揀咗菜心，份量都好多好足夠，菜心顏色好鮮嫩，睇得出係新鮮嘅菜👍🏻👍🏻
另外套餐仲跟咗兩杯餐飲架，所以真係好鬼抵食，份量亦都好足夠，我哋兩個人都有食唔晒打包左添，所以如果唔係話好大食嘅朋友，真係夠飽👍🏻👍🏻
Post
