Video
Read full review
2023-09-19
4177 views
唔係好耐之前，你記得我食過一間今年食過話係十大favorite 的餐廳Kamosu，好快又有多間好推薦俾大家啦，如果你愛Tapas更加要mark 低，驚喜度足以係今年暫時十大之一。呢間Barbar，唔係好多人講過，但又唔係乜嘢好難訂位嘅神店，但食到嘅質素同驚喜，仲好過好多所謂名店，而且完全唔係乜嘢fine dining，只係普通casual dining餐廳。七點鐘就Full house ，全晚都好full，呢枱走左轉頭已經有新客，咁你都知道佢唔係走fine dining 路線，而且餐廳上菜好快，唔會等好耐。不過，餐廳都好felixible ，慢食可以，快食如今晚兩個人食快餐咁都得。餐廳都勁多一班人，開酒慢慢嘆，我覺得多人掃menu ，會開心d。最推薦一定係Madrid squid bocadillo，呢個馬德里著名街頭小食之一，睇個樣完全唔吸引，又要自己夾個包，但呢件魷魚三文治入口係超驚喜，你無用法式麵包而改用經烤焗後的 brioche 牛油麵包，夾著脆炸魷魚圈，醃洋蔥及墨汁蒜蓉蛋黃醬，呢件係絕對精彩。第二個推薦係烤去骨牛肋條，將去骨的安格斯牛肋條於烤爐經過 12 小時的烤製，勁多汁
呢間Barbar，唔係好多人講過，但又唔係乜嘢好難訂位嘅神店，但食到嘅質素同驚喜，仲好過好多所謂名店，而且完全唔係乜嘢fine dining，只係普通casual dining餐廳。
七點鐘就Full house ，全晚都好full，呢枱走左轉頭已經有新客，咁你都知道佢唔係走fine dining 路線，而且餐廳上菜好快，唔會等好耐。
不過，餐廳都好felixible ，慢食可以，快食如今晚兩個人食快餐咁都得。餐廳都勁多一班人，開酒慢慢嘆，我覺得多人掃menu ，會開心d。
最推薦一定係Madrid squid bocadillo，呢個馬德里著名街頭小食之一，睇個樣完全唔吸引，又要自己夾個包，但呢件魷魚三文治入口係超驚喜，你無用法式麵包而改用經烤焗後的 brioche 牛油麵包，夾著脆炸魷魚圈，醃洋蔥及墨汁蒜蓉蛋黃醬，呢件係絕對精彩。
第二個推薦係烤去骨牛肋條，將去骨的安格斯牛肋條於烤爐經過 12 小時的烤製，勁多汁而略帶木炭焦香，配有 3 種顏色的醬汁，黃色醬汁是烤南瓜蓉、紅色醬汁是 Mojo Rojo 紅醬，佢用番茄、燒焦紅辣椒製成、而綠色醬汁是 Mojo Verde 青醬，用新鮮芫茜製成，醬汁係特別，我個人喜歡青醬，不過都看你口味，去骨牛肋條絕對好食過好多米芝蓮星餐廳，一定要點。
加利西亞八爪魚薯蓉，八爪魚好新鮮彈牙，並以月桂葉、洋蔥和丁香煮到好淋，最後搽上紅椒粉和橄欖，底層的薯蓉經過佢嘅主理後又好配個八爪魚，又一驚喜之作。
前菜的燒地中海藍鰭金槍魚加牛油果、 開心果、米餅又係有佢一套的水準，愛食藍鰭金槍魚要試佢哋嘅主理，原來開心果同牛油果係咁夾。
經典的蕃茄麵包唔需多講，成塊都係新鮮刨碎的蕃茄，香甜多汁，麵包夠脆，送伊比利亞黑毛豬火腿炸丸子就最好，入面有甜洋蔥和伊比利亞黑毛豬火腿加麵包糠，炸至呈金黃色，香氣四溢，互相影響又有多層口感。
乳鴿海鮮燴飯好多人叫過推薦過，有細有大，但一定要加配鵝肝，加入乳鴿烹製的西班牙海鮮燴飯有另一番風味，飯粒好有口感，乳鴿胸肉大約三成，好嫩滑，七成熟的大腿肉又係軟嫩，兩個層次，經百里香和乳鴿肉汁作點綴，加上肥美鵝肝，又係別家不見的一個菜式，食完呢個後對去另外一個墨汁海鮮飯更有興趣。
尾聲的巴斯克芝士蛋糕，應該不用介紹啦，點來吃就對。
唯獨是酒唔算太平，我當晚就飲Sangria ，紅酒白酒都有試，正常感覺，送Tapas一流。
如果未去過，一定要去一次，包有驚喜。
Post
