渝味碗碗香

Open Now

Now Closed

同同事放工超餓，經過依間小店，有多款麵、小食、餃子選擇，幾岩我哋口味🤓🤓餐牌食物選擇真係幾多，而且仲有套餐除咗食物之外，佢哋嘅飲品選擇都幾特別，唔係一般車仔麵茶餐廳嘅普通選擇！鴨屎香檸檬茶、椰子奶都有！仲可以加爆珠❤️A02 紅燒排骨麵賣相好靚，令人食指大動排骨係輕易脫骨，超正我比較鍾意有軟骨嘅部位，肉同軟骨都非常入味，推薦！我叫咗杯鴨屎香檸檬茶，非常有驚喜！好好飲，檸檬味好出好香，而且完全唔會太過甜，好清新！👍🏼👍🏼同事叫左客家紅炆豬肉一粒粒，但份量都好多！真係好抵食！每碗麵可以選擇唔同嘅辣到，分咗麻辣、酸辣同埋香辣，我哋大家都揀咗「麻BB」，味道相對溫和，食得舒服，驚嗆親😁😁另外亦要讚一讚佢哋嘅小食，依本涼拌藤椒爽魚皮，色香味俱全！魚皮非常爽口，配埋下面啲青瓜絲，好惹味，好清爽！