段純貞牛肉麵 (MONTEREY Place)

Open Now

Now Closed

去南澳donki成日都只係去海皮附近搵食，今日見到正正donki樓下就新開左一間台式牛肉麵，食過之後真係一試難忘，喺香港我食過最啱我口味我覺得超好味嘅台灣牛肉麵，真係唔係誇張，首先係佢嘅湯底真係非常濃郁，飲得出有藥材嘅香味，少少辣辣地特別開胃，細麵比較容易入口，而且索晒啲湯汁，最精彩係牛筋非常好味，充滿骨膠原，牛腱芯好淋，牛味超濃郁，牛肚有四五件咁多 ，份量十足呢碗三寶麵都只係係幾十蚊，真係抵食之餘亦都非常好食。呢碗濃雞湯細面好啱小朋友口味，我小朋友食到舔舔脷，大大隻雞髀非常嫩滑，好有雞味，湯底直頭好似飲緊燉湯一樣，另外點左雲吞同埋炸豬扒同樣出色，配埋珍珠奶茶，成個感覺真係好似去咗台灣一樣，好有台灣口味嘅餐廳絕對值得一試。