Video
Read full review
2025-01-10
204 views
成日喺元朗經過呢間舖頭呢都排晒長龍嘅，睇你人氣真係幾旺盛啊🙈今次就同朋友仔一齊去試吓。佢嘅韓式釜飯選擇都幾多嘅。而且價錢都唔算太貴，由$58-$128嘅選擇都有，總有一款係啱你口味。而且呢佢每一個set呢都會配三款兩本菜，仲有一個小食同埋海帶湯。份量都幾足。🌟特級牛頸脊拌飯（$98）我就叫咗牛頸脊拌飯，佢嘅牛肉粒超級多，而且每一舊都好嫩，都幾香牛肉味嘅。而且佢係會有飯焦架😍超級好味，呢一點真係好加分👍而且再撈埋啲雜菇啊蓮藕一齊食，味道都幾唔錯嘅🌟炙燒厚切鰻魚拌飯（$128）朋友仔就叫咗厚切鰻魚拌飯。佢嘅鰻魚好厚身，而且呢鰻魚嘅皮係燒得好脆👍食落啖啖肉。鍾意食鰻魚嘅，一定唔可以錯過。🌟秘制泡菜醬拌餃子（$50/4隻）我覺得鍾意食泡菜嘅，一定唔可以錯過呢個餃子。餃子本身已經好Juice啦，再包埋泡菜醬一齊食酸酸辣辣咁，真係食到停唔到口🥰🥰🥰呢一道菜比我想像中好食好多倍🌟自家製炸薯餅配雪花芝土乳酪醬（$30/1）佢嘅自家製薯餅都幾有人氣嘅，薯餅入邊好多薯仔絲😍因為係即叫即炸，所以就好脆，但係一定要趁熱食啊咁樣先最好食🥰🌟低卡橘子汁（$15）我就試咗佢嘅橘子汁，一支只係70卡路里，解油膩一流👍
佢嘅韓式釜飯選擇都幾多嘅。而且價錢都唔算太貴，由$58-$128嘅選擇都有，總有一款係啱你口味。而且呢佢每一個set呢都會配三款兩本菜，仲有一個小食同埋海帶湯。份量都幾足。
🌟特級牛頸脊拌飯（$98）
我就叫咗牛頸脊拌飯，佢嘅牛肉粒超級多，而且每一舊都好嫩，都幾香牛肉味嘅。而且佢係會有飯焦架😍超級好味，呢一點真係好加分👍而且再撈埋啲雜菇啊蓮藕一齊食，味道都幾唔錯嘅
🌟炙燒厚切鰻魚拌飯（$128）
朋友仔就叫咗厚切鰻魚拌飯。佢嘅鰻魚好厚身，而且呢鰻魚嘅皮係燒得好脆👍食落啖啖肉。鍾意食鰻魚嘅，一定唔可以錯過。
🌟秘制泡菜醬拌餃子（$50/4隻）
我覺得鍾意食泡菜嘅，一定唔可以錯過呢個餃子。餃子本身已經好Juice啦，再包埋泡菜醬一齊食酸酸辣辣咁，真係食到停唔到口🥰🥰🥰呢一道菜比我想像中好食好多倍
🌟自家製炸薯餅配雪花芝土乳酪醬（$30/1）
佢嘅自家製薯餅都幾有人氣嘅，薯餅入邊好多薯仔絲😍因為係即叫即炸，所以就好脆，但係一定要趁熱食啊咁樣先最好食🥰
🌟低卡橘子汁（$15）
我就試咗佢嘅橘子汁，一支只係70卡路里，解油膩一流👍👍而且佢都唔算太甜，亦都個味唔會太假👍
🍴韓奶奶拌飯 (元朗)
📍元朗鳳攸南街3號好順景大廈1座地下3號舖
Post
