Video
Read full review
2021-06-03
354 views
雖然母親節經已過咗一星期，但做孝順女就幾時都得。難得媽媽咁叻叻豬🐽，上網睇片見人介紹「輝哥私房菜」有點心放題食，仲搵埋網址比我😂。見佢咁落力，我就奉陪到底啦。點心放題分兩個時段，入座時間分別為11:45同13:30，收費一樣，我哋就當然揀後者啦，可以訓晏啲嘛💤。價錢方面，上網預早買定兑換優惠卷($78/張)，到場俾多$21茶芥同加一服務費，即係人均$99，一嚿水都唔使，好鬼抵👻。我哋早少少13:15上到去，已經有人排緊隊，人氣超高的！唔好忘記當日係星期一中午喎。店員執好枱後就開始安排客人進場，酒樓環境幾特別，主廳面積唔大，一眼睇哂👀，但四周圍都劃咗做廂房。兩個人食的話，好大機會要搭枱坐，因為座位唔多，而且真係好爆場。不過幸好中間放咗隔板，客人之間又有一定距離，所以都尚算食得安心👍。餐廳冇特別設計放題專用嘅點心紙，所以點心紙會寫上食物價錢同大中小點。不過可以放心，入面全部項目都係任嗌任食‼️，包括粉麵飯同巧手小食等。點心放題限時90分鐘，上菜速度快，無漏單。我哋食兩轉已經乜都飽哂🤰，呢度就連罐裝汽水同啤酒都係任飲㗎！留意返，點心係以一籠籠作單位，並唔係逐粒計算，所以無論你兩個人定四個人食，
雖然母親節經已過咗一星期，但做孝順女就幾時都得。難得媽媽咁叻叻豬🐽，上網睇片見人介紹「輝哥私房菜」有點心放題食，仲搵埋網址比我😂。見佢咁落力，我就奉陪到底啦。
點心放題分兩個時段，入座時間分別為11:45同13:30，收費一樣，我哋就當然揀後者啦，可以訓晏啲嘛💤。價錢方面，上網預早買定兑換優惠卷($78/張)，到場俾多$21茶芥同加一服務費，即係人均$99，一嚿水都唔使，好鬼抵👻。我哋早少少13:15上到去，已經有人排緊隊，人氣超高的！唔好忘記當日係星期一中午喎。
店員執好枱後就開始安排客人進場，酒樓環境幾特別，主廳面積唔大，一眼睇哂👀，但四周圍都劃咗做廂房。兩個人食的話，好大機會要搭枱坐，因為座位唔多，而且真係好爆場。不過幸好中間放咗隔板，客人之間又有一定距離，所以都尚算食得安心👍。
餐廳冇特別設計放題專用嘅點心紙，所以點心紙會寫上食物價錢同大中小點。不過可以放心，入面全部項目都係任嗌任食‼️，包括粉麵飯同巧手小食等。
點心放題限時90分鐘，上菜速度快，無漏單。我哋食兩轉已經乜都飽哂🤰，呢度就連罐裝汽水同啤酒都係任飲㗎！留意返，點心係以一籠籠作單位，並唔係逐粒計算，所以無論你兩個人定四個人食，份量都係一樣的⚠️。
乳鴿
27 views
0 likes
0 comments
水晶蝦餃皇
36 views
0 likes
0 comments
蟹子燒賣皇
28 views
0 likes
0 comments
鮮蝦菜苗餃，佢個造型超似餃子，餃皮偏厚，唔係平日食開嗰種。如果同蝦餃比，我會揀返蝦餃🙈。
韭黃鮮蝦腸粉，腸粉有唔同口味揀，但我哋都係情歸鮮蝦🦐。腸粉皮幾滑，帶有微微米香，不過韭黃就失蹤咗，我媽有少少失望。
鮮蝦春卷
22 views
0 likes
0 comments
馬拉糕
18 views
0 likes
0 comments
豉汁蒸鳳爪，雖然寫係豉汁，但我覺得似XO醬蒜香多啲，咁樣仲啱我口味，可以噒多兩隻😗。鳳爪都幾大隻，亦算肥美。
四川口水雞
24 views
1 likes
0 comments
瑤柱帶子肉片粥，粥就麻麻哋，口感唔夠綿，粥底自身亦偏淡🍚。不過勝在好足料，有唔少瑤柱絲。
八味脆豆腐
15 views
1 likes
0 comments
燒汁牛柳粒
22 views
0 likes
0 comments
椒鹽魷魚鬚
24 views
0 likes
0 comments
兩面黃肉絲炒麵，我相信炒麵係有調整到份量，任食係呢個量就啱啱好。炒麵超脆的，淋上芡汁食又係另一風味🥢。
杞子圓肉桂花糕，🌼以甜品桂花糕作結，呢餐完美落幕。
有趣事一則，餐廳設有一個大排檔區域，有個姐姐喺度煎緊嘢食。當全場入座後，店員就宣佈可以出嚟拎，我哋廢事同人爭，打算遲啲先出去。誰不知原來嗰個區域嘅食物係唔會補充㗎，拎一轉就無😅，好快就被人搶清光，食唔到感覺有點可惜。因此，我特別喺度提醒大家，去到記得要準備就緒、唔好等，哈哈😆。
總括嚟講，本身諗住咁嘅價錢都無乜好要求啦，不過出到嚟絕對係喜出望外😋。全部點心均係熱辣辣送上🔥，亦無任何一樣係難食，整體性價比高。基本上我哋都好滿意啊。自問好大食嘅你，或者想過下口癮，不妨可以嚟幫襯呢。
Post
