心之食堂 (Under Renovation)

喺銅鑼灣行街咁啱撞到舊同學🥸，好耐冇見所以即刻上網搵吓有啲乜嘢好餐廳可以坐低傾偈，見到網上好多人推介嘅《心之食堂》，原來夜晚六點開門，睇準時機立即上去，因為好驚無位。朋友超愛彩虹卷，有魚子醬on top，入口有彈性，質感細膩，咬落有海腥味，回味帶甜，好回味😍中間的炸蝦仲脆卜卜添！肥美芝士燒蠔，濃郁嘅芝士🧀包圍住蠔肉，蠔肉飽滿清甜，非常好味！心之魚生飯，多層次既心形魚生飯砌，新鮮又好味，三層咁咬落口感多重，凍(魚生)中又帶暖(飯)😋厚燒牛舌心，肉質好豐厚，肉味濃郁多汁，燒得啱啱好，外乾身內鎖汁🤪薄荷菠蘿特飲，食完燒物飲番杯，解膩又消滯😌人氣真係超高，六點半左右已滿座要等位，強烈推薦大家一定要訂位！