木船泰國粉麵專門店 (Closed)

Weekend梗係要食返個靚lunch啦~想食啲開胃嘅野，所以揀咗呢間泰國粉麵。係出面嘅餐牌見到價錢都幾合理，都好多人食，決定一試。佢地嘅招牌菜式係燒豚肉飯，88蚊包埋湯、小食同野飲。仲叫咗個汁燒安格斯牛肉飯配溫泉蛋，同樣係88蚊嘅定食。定食嘅湯可以揀冬陰功或者肉丸扎肉鮮鷄湯，冬陰功湯椰奶味比較重，幾好飲。肉丸扎肉鮮鷄湯就偏鹹咗啲，味道麻麻地。燒豚肉飯個造型都幾靚，上面堆咗好多青木瓜絲，仲有好開胃嘅泰式酸辣醬汁。燒豚肉都有泰式酸辣醬嘅味道，再mix埋燒汁，個味道好特別，清爽開胃！原來燒豚肉飯都附送咗溫泉蛋，撈飯食一流！汁燒安格斯牛肉飯就無青木瓜絲同酸辣醬汁，所以牛肉味比較突出，都非常香嫩！定食包埋三個小食，有木耳、炸丸同一舊朱古力小蛋糕，水準都唔錯。