Video
Read full review
2020-06-07
649 views
其實前後都幫襯左5次，次次食完都好滿足捧住個肚走，所以先上黎寫返篇食後感。食物質素：🌟🌟🌟🌟🌟牛扒：我次次都揀哥士牛扒，食左4次180g ($78)，最後個次揀左300g ($118)，佢會幫你燒3成熟就送餐俾你，你想食幾成熟就自己慢慢燒，最大感受覺得佢求其(可能好講究我唔識)燒3成俾你，舊牛到我手我再點燒都又好味又juicy，我食開5成，燒到外面變色，入面粉紅色就岩岩好，我自己係屋企用心煎都煎唔到呢個效果T_T。因為黎呢度食牛除左俾錢買左個牛之外，佢仲有好多配菜自助形式任你食，包括：1.珍珠飯飯米粒粒煙韌彈牙，都幾似去日本旅行餐廳食個種淨係食白飯都覺得好味既感覺，仲有紫菜芝麻飯素&粟米粒任你加。2. 沙律好欣賞個椰菜絲沙律，我去日本食吉烈豬扒飯某程度上都係因為佢地個超新鮮椰菜沙律配柚子汁，呢間牛扒店竟然都提供到，同埋都幾新鮮爽脆，仲要有埋幾種日式醬汁，當然我一定會揀我最愛既柚子汁，酸酸甜甜超開胃，仲有車厘茄同埋粟米任加。3. 牛肉羅宋湯個湯有好濃既牛肉味，好好飲，因為佢真係好足料，撈到煲湯入面有好多牛肉，有d有成1/4-1/2件牛扒咁大，仲有紅蘿蔔，如果你大食可以撈多d牛黎食，同埋食
食物質素：🌟🌟🌟🌟🌟
牛扒：
我次次都揀哥士牛扒，食左4次180g ($78)，最後個次揀左300g ($118)，佢會幫你燒3成熟就送餐俾你，你想食幾成熟就自己慢慢燒，最大感受覺得佢求其(可能好講究我唔識)燒3成俾你，舊牛到我手我再點燒都又好味又juicy，我食開5成，燒到外面變色，入面粉紅色就岩岩好，我自己係屋企用心煎都煎唔到呢個效果T_T。
因為黎呢度食牛除左俾錢買左個牛之外，佢仲有好多配菜自助形式任你食，包括：
1.珍珠飯
飯米粒粒煙韌彈牙，都幾似去日本旅行餐廳食個種淨係食白飯都覺得好味既感覺，仲有紫菜芝麻飯素&粟米粒任你加。
2. 沙律
好欣賞個椰菜絲沙律，我去日本食吉烈豬扒飯某程度上都係因為佢地個超新鮮椰菜沙律配柚子汁，呢間牛扒店竟然都提供到，同埋都幾新鮮爽脆，仲要有埋幾種日式醬汁，當然我一定會揀我最愛既柚子汁，酸酸甜甜超開胃，仲有車厘茄同埋粟米任加。
3. 牛肉羅宋湯
個湯有好濃既牛肉味，好好飲，因為佢真係好足料，撈到煲湯入面有好多牛肉，有d有成1/4-1/2件牛扒咁大，仲有紅蘿蔔，如果你大食可以撈多d牛黎食，同埋食過長沙灣個間三拍子牛，都一樣係有牛肉湯任飲，但都幾騷，我以為牛肉湯一定會騷，呢間無，我會飲兩碗或以上。
4. 飲品
有水同青檸特飲任飲，青檸特飲唔錯，食牛我會飲青檸，食完就飲清水過口。
食物總結：
我都唔算細食，次次食180g，舊牛唔大唔細，但加埋其他食到停唔到既side dish 我真係投降，試過一次慶起揀300g，鐘意食牛真係會好滿足，但其他side dish都只可以點到即止，有d意猶未盡既感覺，但望住300g舊牛我同朋友都不斷嘩嘩聲，$118咁x大舊真係超抵食。
溫馨提示
牛扒上檯最好搵隻碗裝起舊牛，食幾多就切幾多擺落塊板上面燒，否則邊傾邊食都幾易燒過龍。
180g 一個人專心食唔停都可以唔洗裝起
180g 邊傾邊食要裝起
300g專心食都一定要裝起！
我食得算快，以上心得供大家參考
環境：🌟🌟🌟🌟🌟
望落都幾乾淨衛生，冷氣都
夠涼，座位好似30-40，唔算好迫，可能因為店鋪位置唔算核心旺區，食飯時間去未試過等超過10分鐘，張檯幾日式細size但足夠擺哂牛扒同配菜加少少私人物品如銀包電話口罩etc
服務態度：🌟🌟🌟🌟🌟
店員都好nice，主動幫忙，我食300g個次同朋友都各換兩次石板，店員都好快手即刻換
缺點
其實都無野好挑剔，如果差我都唔會瘋狂回頭，硬要挑既話，就係位置唔算就腳，但就腳就一定多人等到暈你懂的
另外一樣想講下，入座之後舊牛上檯真係好迅速(可能因為只燒3成)，所以每次我同朋友已經分工合作拎緊各樣side dish時舊牛已經係檯面上面等緊我地去食佢，埋位時成檯都係正野，又怕舊牛會開始攤凍，但又好想食幾口side dish，有時都幾茅盾，不過講到尾，上菜迅速都一定係優點，逐個客問係咪想即刻上舊牛好似會更混亂。
總結：
抵食，好好味，次次都特登揸車入元朗食，瘋狂介紹俾朋友，強烈推介👍🏻👍🏻👍🏻
Post