中華滙館 (Closed)

最鍾意就係喺中菜點同屋企人食嘢，今次都唔例外，不過就得一個屋企人得閑，咁我唯有兩個人去食餐中式菜啦！媽咪係中上環返工，今次就book咗一間係中環嘅菜館，就咁睇好似一間好高級嘅中餐，其實都有少少似麻雀館，道門好大，有點令人高不可攀的感覺！每一位茶位＄25 ,我哋就選擇咗比較少有嘅菊花茶，店員服務態度超級好會不停幫你加茶，唔係一般酒樓嘅服務。金湯海皇羮 $100per person媽媽最鍾意食類似魚翅嘅嘢，不過而家講環保，所以都唔會食魚翅。咁就揀咗個類似魚翅嘅海皇羹，湯羹裏面會有一啲海鮮粒粒例如蝦肉同埋帶子。整體質感比較稠，而且味道香用了南瓜做底，不過已經搞得好溶所以食唔到南瓜肉架！蝦肉就夠晒新鮮同埋爽口，味道唔錯。潮蓮燒鵝$200 例牌通常去高級嘅中菜都唔會食鴨，就會食燒鵝。呢個燒鵝唔會好有家禽嘅氣味，肉質嫩滑而且外皮香脆，夾雜少少肥脂配搭上來非常美味。麵醬三香條$180豆乾、茄子和豆三款不同，配搭不太辣的紅椒，以為會很乾原來香氣十足，茄子仍然很有水份，豆爽口之餘也有水份，炒得有鑊氣。豆乾也比正常的更有水份和彈性。可見師傅功架十足！如比起其他中菜館的食品是有過之而無不及，當然價格也會比其