La Postre (Closed)

同朋友放工，約好了食西餐，放工前就搵左呢間，朋友都話好就book了。上到去餐廳，裝修非常靚，周圍都係木系既擺設，濕紙巾同紙巾都好有特色，係安全套包裝同銀紙咁，好特別地方都好寬敞，坐得好舒服。我地叫左個西班牙海鮮飯，芝士煎蟹餅同麻糬窩夫。第一樣黎既係西班牙海鮮飯，佢黎果下我地已經嘩左聲，因為佢真係好大盆，入面有六隻青口，六隻蜆，同埋四隻大蝦，畫面已經好震撼，飯汁係酸酸辣辣咁，非常開胃，所以唔會好濟，每粒飯粒都沾滿汁，青口大蝦果啲都好鮮甜，我地兩個剩係食完個飯都已經飽飽地。之後就黎左個芝士煎蟹餅，初初唔知咩黎以為係好似蝦餅咁，黎到先知原來係好似蒸蛋咁，黎到香噴噴，隔離枱都即刻望咩黎，佢中間有蟹肉同埋芝士，味道非常濃郁，面碘仲有啲木魚絲喺度，口感好特別。唔記得講仲有兩杯野飲，我地叫左荔枝莫希托同埋什果莫希托，無酒精的，又係唔知乜黎，但黎到飲落都好好飲，似溝好既梳打，下面有好多荔枝同什果，一路食一路飲非常解濟。最後盲係甜品麻糬窩夫，呢個真係超好食，好食過出面啲甜品鋪既窩夫好多，佢會比杯蜜糖你，窩夫脆口，入面麻糬軟腍陣牙，好有外脆內軟既感覺，同埋都幾飽肚，仲有啲雪榚同什果喺面，我地食果陣都無講野