稻埕飯店 (V Point) (Closed)

呢日weekend放假，就同屋企人去銅鑼灣，我地見到呢間餐廳好靚，原來係台灣餐廳，我地就入左去食lunch。打開餐牌，見到好多款午市套餐可以選擇，價錢豐儉由人，由88蚊去到二百幾蚊都有。我地點左兩個餐，首先係台灣海山醬油炒松阪豬配台梗米飯，套餐都幾抵食，唔洗一百蚊就有飯、炒松阪豬、菜、半隻溏心蛋同埋飲品，好豐富。醬油炒豬肉配上左啲菇，食到食材既原味，撈埋粒粒分明既台梗飯一齊食，好味道。飲品方面，我哋點咗神品高山珍青綠，入口清香。另一個餐點左古早佛跳牆配台梗米飯，佛跳牆入邊有花膠、海參、豬肉、瑤柱等養生材料，好足料。湯非常清甜，感覺好滋補。套餐同樣都配蔬菜同埋糖心蛋。飲品點左神品巨峰烏龍茶，入口回甘，正。