Video
Read full review
2020-06-10
2974 views
朋友慶生揀咗食燒肉，揀咗間叫「響Hibiki」嘅燒肉放題餐廳，呢間餐廳以前上網都見到好多人去，一直都好想試下，所以好期待今餐🥰🤩。記得要book位呀，勁多人排隊，好彩我哋一早book定。2個半鐘可以勁食和牛，每2位會送一隻波士頓龍蝦添！好多膏呀，正👍👍👍！第一round唔駛自己點，職員會送上一碟肉 （豬、牛、雞都有），有7款選擇：澳洲和牛胸腹、手羽、美國牛肋骨、米澤三元豚肉片、澳洲和牛西冷、米澤三元豚西冷、骨付雞肉腸。啲和牛真係好正，食得出唔係普通嘢，真材實料，牛味濃郁，油脂平均。上面仲有個牌仔寫低邊款打邊款，唔會搞亂晒。食到啱口味又可以自己另外再喺點餐紙mark。最緊要呢度嘅抽油煙系統做得好好，唔會搞到啲衫她大陣味。另外職員會送上一盤每日新鮮空運嘅刺身，一上檯就出晒乾冰煙，好有睇頭。食落果然好新鮮。特別係帶子同吞拿魚，感覺超肥美🤤。除咗肉類之外，仲有天婦羅🍤、炸物、蔬菜、和食、小食沙拉🥗、串燒🍢。真係好多嘢食，根本食唔到咁多，但樣樣都好想食呀。飲品都有好多罐裝選擇，汽水、果汁任均選擇，呢啲唔啱都仲有支裝水同埋清酒、柚子酒同梅酒。甜品方面，唔駛講，一定要留肚食movenpick雪糕，佢
朋友慶生揀咗食燒肉，揀咗間叫「響Hibiki」嘅燒肉放題餐廳，呢間餐廳以前上網都見到好多人去，一直都好想試下，所以好期待今餐🥰🤩。記得要book位呀，勁多人排隊，好彩我哋一早book定。
2個半鐘可以勁食和牛，每2位會送一隻波士頓龍蝦添！好多膏呀，正👍👍👍！
第一round唔駛自己點，職員會送上一碟肉 （豬、牛、雞都有），有7款選擇：澳洲和牛胸腹、手羽、美國牛肋骨、米澤三元豚肉片、澳洲和牛西冷、米澤三元豚西冷、骨付雞肉腸。啲和牛真係好正，食得出唔係普通嘢，真材實料，牛味濃郁，油脂平均。上面仲有個牌仔寫低邊款打邊款，唔會搞亂晒。食到啱口味又可以自己另外再喺點餐紙mark。最緊要呢度嘅抽油煙系統做得好好，唔會搞到啲衫她大陣味。
另外職員會送上一盤每日新鮮空運嘅刺身，一上檯就出晒乾冰煙，好有睇頭。食落果然好新鮮。特別係帶子同吞拿魚，感覺超肥美🤤。
除咗肉類之外，仲有天婦羅🍤、炸物、蔬菜、和食、小食沙拉🥗、串燒🍢。真係好多嘢食，根本食唔到咁多，但樣樣都好想食呀。
飲品都有好多罐裝選擇，汽水、果汁任均選擇，呢啲唔啱都仲有支裝水同埋清酒、柚子酒同梅酒。
甜品方面，唔駛講，一定要留肚食movenpick雪糕，佢有三隻味比你揀，Expresso Croquant, Strawberry 同埋雲呢拿，嫌movenpick 未夠，仲有dreyer's 甜筒同埋Fruttato雪條，旁邊雪櫃都仲有啲小型甜品：泡芙、忌廉撻、蛋糕仔、布甸，保證食到你捧住個肚。
食完咁多嘢仲可以飲番杯茶消滯，有玄米茶、綠茶同茉莉花茶。
依餐真係太正，超讚，好值得推薦比大家，快啲去試下啦，包你食過都話正！
Post
