Video
Read full review
2024-12-08
303 views
🙋🏻♀️呢幾年食過十幾次YAKINIKU KAKURA，真心覺得佢哋唔止得燒肉好食😼。其他食品更加係好味得嚟性價比極高。💕豆腐沙律 $68食過Kakura沙律、凱撒沙律同埋呢款，覺得呢款最好食。配搭好簡單，生菜+豆腐+紫菜，再淋上大量芝麻醬。夠多芝麻醬，生菜食落去冇青味。加埋豆腐同紫菜，唔慣食生嘢嘅人都會比較容易接受。同埋呢款都算係燒肉店解膩神器😼。💕冷麵 $38燒肉店解膩神器之二😼。酸酸甜甜，清爽開胃，有時仲好重麻油香。配菜係泡菜、青瓜、芽菜之類嘅韓式前菜。我鐘意佢啲麵條特別彈牙。💕海鮮泡菜湯 $128冬天就想食個暖暖嘅鍋～呢個鍋超足料，有泡菜，有菇又有墨魚、蝦。蝦同燒嘅蝦係一樣，超大隻，彈牙鮮甜。調味上同冷麵幾似，但係感覺完全唔同。一款解膩，一款暖胃。我就兩樣都鐘意😚。💕大判燒！黑毛和牛西冷 $178人少少又追求極致油香嘅和牛，呢款係最佳選擇。滿滿油香，入口即溶嘅口感。撈埋溫泉蛋更加滑！💕黑毛和牛上肋骨中肉 $198人多又追求極致油香嘅和牛，呢款係高性價比之選。份量極多而且油脂豐富，3-4人食就最啱。💕火炙黑毛和牛壽司盛海膽 $98/1油脂比西冷少啲，不過都係好重油香。飯粒吸晒肉汁
🙋🏻♀️呢幾年食過十幾次YAKINIKU KAKURA，真心覺得佢哋唔止得燒肉好食😼。其他食品更加係好味得嚟性價比極高。
💕豆腐沙律 $68
食過Kakura沙律、凱撒沙律同埋呢款，覺得呢款最好食。
配搭好簡單，生菜+豆腐+紫菜，再淋上大量芝麻醬。夠多芝麻醬，生菜食落去冇青味。加埋豆腐同紫菜，唔慣食生嘢嘅人都會比較容易接受。同埋呢款都算係燒肉店解膩神器😼。
💕冷麵 $38
燒肉店解膩神器之二😼。酸酸甜甜，清爽開胃，有時仲好重麻油香。配菜係泡菜、青瓜、芽菜之類嘅韓式前菜。我鐘意佢啲麵條特別彈牙。
💕海鮮泡菜湯 $128
冬天就想食個暖暖嘅鍋～呢個鍋超足料，有泡菜，有菇又有墨魚、蝦。蝦同燒嘅蝦係一樣，超大隻，彈牙鮮甜。調味上同冷麵幾似，但係感覺完全唔同。一款解膩，一款暖胃。我就兩樣都鐘意😚。
💕大判燒！黑毛和牛西冷 $178
人少少又追求極致油香嘅和牛，呢款係最佳選擇。滿滿油香，入口即溶嘅口感。撈埋溫泉蛋更加滑！
💕黑毛和牛上肋骨中肉 $198
人多又追求極致油香嘅和牛，呢款係高性價比之選。份量極多而且油脂豐富，3-4人食就最啱。
💕火炙黑毛和牛壽司盛海膽 $98/1
油脂比西冷少啲，不過都係好重油香。飯粒吸晒肉汁、油脂真係好邪惡👿。估唔到呢度嘅海膽又幾鮮甜，過口癮一流。
Post
