圓老爺大排檔

Open Now

Now Closed

講真宜家有d質素既茶餐廳或者大排檔都越黎越少，元朗呢間係一定要推介比大家鮮椰皇花膠雞 $78成碗上枱椰子味非常濃郁！面頭有層薄薄嘅雞油！一睇就知道煲咗好耐！椰子肉煲到腍晒！非常軟腍！雞嘅份量大概有半隻左右，食雞胸都唔會覺得乾柴！雞髀更加唔使講！蝦醬豆卜蒸豬頸肉 $60去到大排檔蒸嘢炒嘢都少不免！蝦醬蒸豬肉肉更加係經典中嘅經典！佢用咗豬頸肉代替豬腩肉，怕肥人士會多一個選擇，豬頸肉色水非常靚，食落爽口蝦醬更加令到豬頸肉食落有鮮味！XO醬乾炒海鮮烏冬 $68上枱望落非常大兜，烏冬炒得乾身海鮮食落爽口彈牙！不過佢哋嘅份量真係好多，兩個人差啲食唔晒！食完要捧住個肚出門口！