Video
Read full review
2024-08-23
590 views
1）牛油雞翼 $78雞翼大大隻，一共五隻，砌成一朵花咁，打卡就最啱，爆多牛油蒜蓉，好香口好滋味。2）金不換虎蝦煲 $188呢個虎蝦粉絲煲好大煲好足料，啲粉絲索曬蝦同金不換嘅香味，好香好惹味🤤3）越南咖哩牛腩鍋（配法包） $108呢個牛腩鍋好足料，有好多舊牛腩同牛筋，炆到好腍好軟身。個牛筋直頭入口即溶，再配埋個咖喱真係一流！薯仔炆到好腍好入味加埋洋蔥，成個煲好香好惹味。個法包點落啲咖喱好香好好味（溫馨提示：最好趁熱食，因為個法包一凍呢就會變返硬身咁就冇咁好味㗎啦。另外可以將啲牛油雞翼嘅蒜蓉落個法包度一齊食就變成好香嘅蒜蓉包！超級好味！4）大蝦菠蘿飯$96呢個菠蘿炒飯超好味，好多菠蘿甜甜地好清新再配埋個新鮮嘅大蝦同啲肉鬆真係好夾好好味。賣相靚好啱打卡。午市套餐加特飲$8咁我就叫咗個三色冰，一嚟好靚好啱打卡，二來就好好飲。食完咁豐富嘅午餐配埋杯嘢飲就啱晒啦，簡直係一個字：爽！5）串燒雞，牛，豬三串$68呢個串燒真係唔可以唔提，一定要點！串燒燒到啱啱好，肉身嫩滑彈牙，肉汁保留咗喺裏面，一咬咇晒出嚟，再配埋個沙嗲醬真係冇得彈！極香極惹味。6）焦糖燉蛋 $40呢個簡直係焦點所在，呢間餐廳絕對係一間
雞翼大大隻，一共五隻，砌成一朵花咁，打卡就最啱，爆多牛油蒜蓉，好香口好滋味。
2）金不換虎蝦煲 $188
呢個虎蝦粉絲煲好大煲好足料，啲粉絲索曬蝦同金不換嘅香味，好香好惹味🤤
3）越南咖哩牛腩鍋（配法包） $108
呢個牛腩鍋好足料，有好多舊牛腩同牛筋，炆到好腍好軟身。個牛筋直頭入口即溶，再配埋個咖喱真係一流！薯仔炆到好腍好入味加埋洋蔥，成個煲好香好惹味。個法包點落啲咖喱好香好好味（溫馨提示：最好趁熱食，因為個法包一凍呢就會變返硬身咁就冇咁好味㗎啦。另外可以將啲牛油雞翼嘅蒜蓉落個法包度一齊食就變成好香嘅蒜蓉包！超級好味！
4）大蝦菠蘿飯$96
呢個菠蘿炒飯超好味，好多菠蘿甜甜地好清新再配埋個新鮮嘅大蝦同啲肉鬆真係好夾好好味。賣相靚好啱打卡。
午市套餐加特飲$8
咁我就叫咗個三色冰，一嚟好靚好啱打卡，二來就好好飲。食完咁豐富嘅午餐配埋杯嘢飲就啱晒啦，簡直係一個字：爽！
5）串燒雞，牛，豬三串$68
呢個串燒真係唔可以唔提，一定要點！串燒燒到啱啱好，肉身嫩滑彈牙，肉汁保留咗喺裏面，一咬咇晒出嚟，再配埋個沙嗲醬真係冇得彈！極香極惹味。
6）焦糖燉蛋 $40
呢個簡直係焦點所在，呢間餐廳絕對係一間被越南嘢耽誤嘅一間甜品舖！焦糖燉蛋極度出色，超級Creamy入口即溶，勁香雲呢拿籽味，再配埋個焦糖真係冇得輸，一定要嗌！
總價：586
連加一後： 645
Post
