Video
Read full review
2021-12-31
782 views
呢間「華鳥風月」，雖然只係開業短短一個月，但係已經大受好評，朋友食過都話好高質，所以趁住年尾食好少少，就同朋友一齊過嚟試吓！果然真係冇令人失望呀😋無論食物、環境定係服務都令人好滿意！員工服務真係好殷勤～靜岡縣水果茄沙律🥗靜岡縣嘅水果蕃茄甜度特別高，同平時食嘅車厘茄差天共地！配搭其他蔬菜同埋沙律汁，酸酸地好開胃～海膽松葉蟹肉拖羅他他我最喜愛嘅一道菜❤️ 必食之選！最上層係海膽同埋魚子醬、中間層有帆立貝同埋松葉蟹肉、底層就係拖羅他他，造型已經好打卡！食法就係要將全部撈埋一齊，然後用紫菜包住食！甘甜鮮味又有油香，口味豐富，配搭外邊紫菜嘅脆香～太美味了！精選燒物四種叫咗即叫即燒嘅四款燒物：虎蝦雞皮串、阿波尾雞翼、秋葵、大葱，其中阿波尾雞翼超級大隻！比起平時嘅雞翼大一倍，皮脆肉嫩，咬落好Juicy~ 虎蝦雞皮串隻蝦大大隻，爽口彈牙，外層雞皮燒得好香脆，中間仲加咗紫蘇葉添，全部全消可以配搭佢哋自家製嘅七味粉，一定要落呀！好惹味！鵝肝茶碗蒸用料高級，上面嘅鵝肝油香十足，蒸蛋好滑溜。金鏻鯛配自家制宮崎粟米蓉好特別嘅一款菜式，炸得好香脆，魚鱗都可以食～宮崎粟米蓉醬汁有少少似港式小炒嗰啲粟米汁嘅味道。明太子
靜岡縣水果茄沙律🥗
靜岡縣嘅水果蕃茄甜度特別高，同平時食嘅車厘茄差天共地！配搭其他蔬菜同埋沙律汁，酸酸地好開胃～
海膽松葉蟹肉拖羅他他
我最喜愛嘅一道菜❤️ 必食之選！最上層係海膽同埋魚子醬、中間層有帆立貝同埋松葉蟹肉、底層就係拖羅他他，造型已經好打卡！食法就係要將全部撈埋一齊，然後用紫菜包住食！甘甜鮮味又有油香，口味豐富，配搭外邊紫菜嘅脆香～太美味了！
精選燒物四種
叫咗即叫即燒嘅四款燒物：虎蝦雞皮串、阿波尾雞翼、秋葵、大葱，其中阿波尾雞翼超級大隻！比起平時嘅雞翼大一倍，皮脆肉嫩，咬落好Juicy~ 虎蝦雞皮串隻蝦大大隻，爽口彈牙，外層雞皮燒得好香脆，中間仲加咗紫蘇葉添，全部全消可以配搭佢哋自家製嘅七味粉，一定要落呀！好惹味！
鵝肝茶碗蒸
用料高級，上面嘅鵝肝油香十足，蒸蛋好滑溜。
金鏻鯛配自家制宮崎粟米蓉
好特別嘅一款菜式，炸得好香脆，魚鱗都可以食～宮崎粟米蓉醬汁有少少似港式小炒嗰啲粟米汁嘅味道。
明太子燒飯團（明太子&辣味噌)
兩款味道各有特色，熱辣辣嘅燒飯團🍙上面有飯焦，焦香脆口～
精選甜品
蕨餅，口感軟糯，味道比較甜～配茶最適合！
另外，意猶未盡嘅話餐廳入邊有條樓梯可以通往樓下23樓嘅酒吧，裝修幾靚，又唔會過於喧鬧，仲啱同朋友傾偈飲嘢。有多款特色Cocktail/mocktail，我就點左杯citrus Dream，入面有橙汁、百香果同埋芒果🥭上面仲打咗層奶泡，飲落好有層次感！
Post
