海陽。居酒屋

Open Now

Now Closed

鍾意食高級咁嘅日本居酒屋就一定要嚟呢間試吓，無論係裝修，氣氛，服務態度，同埋食物都相當有質素🤩特選拖羅盛 呢款刺身意思就係剩係得拖羅食，對於我呢個勁鍾意食拖羅嘅人嚟講真係十分之合心意，佢係由赤身，中拖羅之大拖羅咁樣配搭俾你，口感一流，刺身亦都非常新鮮，真係鍾意食吞拿魚嘅朋友，極度推介淨係嗌呢款刺身盛😍燒豆腐配黑松露醬豆腐燒到皮脆內嫩，再配埋黑松露醬，真係出奇地夾，一直都冇試過咁樣配搭嚟食，估唔到別有一番風味，黑松露醬味道清香，但係入口濃郁炭燒雞肉棒配溫泉卵成條係雞肉碎整成嘅串燒棒，本身已經有少少調味，再加上外面燒到好香脆，再配埋個溫泉蛋入口，口感層次提升咗好多燒軟骨魚蛋串唔好以為佢只係平平無奇嘅魚蛋，魚蛋口感一流，非常彈牙，但係當中有夾住一啲軟骨，非常爽口札幌味噌叉燒拉麵大家真係唔好俾佢過普通名呃咗，原來真係好好味，叉燒又厚又大塊，入口軟林林，非常之香豬油味，味噌湯底濃郁，每一啖面入口都唔會淡，真係做得好出色，個人覺得呢個價錢性價比幾高燒日本A4和牛西冷蛋黃飯呢個又係值得推介，嚟到嘅時候件和牛係全生嘅，店員會幫你用火槍燒熟佢，所以會問你想食幾成熟，我哋就揀咗5成，燒完之後店員會將和牛包