早稻石磨腸粉

Open Now

Now Closed

今日去開紅磡，一早plan好先去土瓜灣，Encore Day and Night個ADB先，點知去到先發現週三例休😓。灰爆之下諗住求其搵間茶記算數，但係又唔甘心山長水遠冇好嘢食，Search咗一輪比我搵到間食石磨腸粉，去到發現冇堂食又係灰咗🙄，但係又係行咗好耐先去到，所以就買咗個叉燒腸同豆漿($25+6)去公園食，再買多三個叉燒包（$20/3），叔叔問我要熱定凍，原來可以揀凍，自己拎返屋企蒸👍🏼，要留意只收現金💴。果然塞翁失馬，焉之非福😌，呢個石磨腸粉真係好好好好食😋。首先份量好大，腸粉非常滑，叉燒粒好多，仲加咗生菜可以解膩🥬，加埋豉油同自家蒜蓉辣油簡直係錦上添花🌸可惜係冇咩機會會去土瓜灣🥺，但係如果行過路過我都會想再食過🤭。