淼屋 (Closed)

慶祝紀念日，搵左上環呢間日本居酒屋，店內裝修簡約，位置舒適，令人好放鬆！▪️海葡萄海草沙律🥗海葡萄口感爽脆，混埋沙律醬汁酸酸地，係一道開胃前菜▪️日式胡麻茄子🍆胡麻醬配上熱辣辣嘅茄子，好惹味▪️關西風味噌清酒煮蜆熱鍋滾住食，飲左啖湯，清酒味濃，帶出蜆肉嘅鮮味，蜆肉好多隻同隻隻都好大！▪️淼屋火焰雪山甲羅燒🦀🔥好特別嘅一款料理～上枱後店員即場用火槍燒個蛋白，賣相吸引！甲羅燒入面仲有海量蟹肉，拌勻後再放係梳打餅上食，好驚喜好特別！▪️燒喜之次一夜干🐟一夜干係日本名菜，係一道有心思嘅料理，製法用鹽水浸泡，再經一晚乾燥，令魚肉中多餘水份去除，一試覺得肉質結實而且嫩滑，魚肉完全沒有腥味，仲帶點鹹香味，推薦！▪️蒜香一口和牛用左好多蒜片爆香和牛粒，好惹味！和牛粒肉質嫩滑，入口即溶且牛味濃郁！