虎嘯日式蒸氣海鮮刺身專門店 (亨環‧天后)

Open Now

Now Closed

今日帶朋友去食生日飯，朋友係一個海鮮愛好者，經朋友介紹，天后開咗一間日式海鮮餐廳，於是今日就帶生日既朋友上去試一試。一去到餐廳，已經被露台上嘅搖籃吸引住，好想玩啊老闆娘好好客，唔知以為去咗朋友屋企㗎好窩心同我哋解釋海鮮set個海鮮set 超多野食，款款都好鮮甜，問咗老闆娘，原來係佢哋每日新鮮買嘅海鮮扇貝超大粒 配上海草豉油，真係冇得頂，最後仲有龍蝦粥底，食咗三大碗，超好食！飲品好飲得嚟又好有心思，有隻老虎仔喺上面，cute爆不得不提最後嘅拉絲烏冬！好味到冇人有，仲有少不了伯爵蛋糕，超好食，唔好話我誇張，係我食過最好味嘅伯爵蛋糕，重點係唔會好甜，啱晒我既口味。整體嚟講，個餐好飽，海鮮新鮮到爆，每一款菜式都好有心思。餐廳仲幫我哋安排咗生日牌，好窩心的一間餐廳。