驚安燒肉商店

Open Now

Now Closed

早排黎左尖沙咀嘅「驚安燒肉商店」食日式燒肉。以前有黎過覺得佢哋性價比都幾高，肉類質素都好高，今次再黎都無改變諗法，味道依然好！4個人黎叫左個一圈入魂就啱晒。呢一圈圍著火爐邊嘅和牛拼盤，賣相好澎湃。一份拼盤有齊10款唔同部位嘅和牛部位，每款都係四人份，所以好夠食！有極上牛舌芯、和牛三角腩、和牛友三角、和牛沙巴當、和牛五花、和牛封門柳、一口和牛、牛頸脊、極黑和牛、壺漬牛肋肉。每一款都好高質素，肉味濃厚，脂香十足，有啲部位更係入口即化。和牛壽喜燒一份有兩片和牛。呢個會由店員負責用火槍燒，將和牛燒到半熟，再配搭黑松露蛋黃液。呢個好好味！黑松露香好突出，和牛肉質又滑又嫩，肉味同牛脂香都好出！柚子漬雞肉山。呢個好抵食，雞肉份量都好多！雞肉帶有淡淡柚子清香，肉質都有彈性，可以一試！蔥香月見飯同埋紫菜牛肉汁飯。食日式燒肉少不了要一碗飯黎搭配。呢度有呢兩款特別少少嘅飯，蔥香月見飯 滿佈蔥花，同埋水汪汪嘅蛋黃，好香口！另一款就係超多紫菜配淋上牛肉汁嘅米飯，呢個更好味！有紫菜嘅香脆口感，牛肉汁甜甜嘅味道都好惹味。飲品選擇都好豐富！除左有各款酒類飲品啤酒、梅酒等等外，仲有好多特飲。水果茶唔錯！感覺好足料，果香