李好味 (Closed)

李好味 #中環❗️超高質有創意香港情懷菜式❗️一直都有留意呢一間裝修復古但售賣新派港式菜嘅餐廳😆菜式名稱獨特，就連用料都好創新，保留到港式菜嘅特色之餘，運用創新嘅煮法，令到食材更美味✨。成間餐廳都黐滿古舊香港景貌，復古味道重。一邊食新派港式菜，一邊係酒吧，糅合左懷舊同創新。李小龍蝦 Lee’s little lobster🦞$208龍蝦配上新派港式黑椒汁，預先已經拆咗啲龍蝦肉，雖然未係最爽口彈牙，但鮮味十足，再淋上蒜香黑椒味重，香濃美味😋另外仲配上炸銀絲卷，同埋非常特別嘅煉奶奶泡，非常特別。味道: 4.3/5性價比: 4/5八鮮過海 Lucky 8 seafood rice 🍚$268呢個用上八種海鮮整成嘅「煲仔飯」更有驚喜😍用上XO醬、蒜、洋蔥調味，每一粒飯都非常香，而且粒粒都好似飯焦咁香脆，仲夾雜着蟹肉，帶點鮮味，同一般煲仔飯唔同👍🏻面頭分別擺上蝦、八爪魚、魷魚、帶子、鱈魚、蜆，大滿足！味道: 4.3/5性價比: 4.2/5整體來講，真係好欣賞呢間嘅菜式，獨特得來又好味🤤雖然份量唔算好多，價錢有少少貴，但絕對係會想再幫襯嘅一間🥰。